എംബപ്പേയെ മാത്രമല്ല,മെസ്സിയെ ആരുമായും താരതമ്യം ചെയ്യരുത് : ഡച്ച് ഇതിഹാസം!

ഖത്തർ വേൾഡ് കപ്പിന്റെ ഫൈനൽ മത്സരത്തിൽ അർജന്റീനയും ഫ്രാൻസും തമ്മിലാണ് ഏറ്റുമുട്ടുക. വരുന്ന ഞായറാഴ്ച രാത്രി ഇന്ത്യൻ സമയം 8:30 നാണ് ഈയൊരു പോരാട്ടം അരങ്ങേറുക. പിഎസ്ജിയിലെ സഹതാരങ്ങളായ ലയണൽ മെസ്സിയും കിലിയൻ എംബപ്പേയും തമ്മിൽ ഏറ്റുമുട്ടുന്നു എന്നുള്ളതാണ് ഈ മത്സരത്തിന്റെ പ്രത്യേകത.

ഈ വേൾഡ് കപ്പിൽ മെസ്സിയും എംബപ്പേയും തകർപ്പൻ പ്രകടനമാണ് നടത്തുന്നത്. അതുകൊണ്ടുതന്നെ എംബപ്പേയും മെസ്സിയും തമ്മിലുള്ള താരതമ്യങ്ങൾ ഇപ്പോൾ നടക്കുന്നുണ്ട്. എന്നാൽ ഇതിനെ എതിർത്തുകൊണ്ട് ഡച്ച് ഇതിഹാസമായ സീഡോർഫ് രംഗത്ത് വന്നിട്ടുണ്ട്.എംബപ്പേയെ മാത്രമല്ല,മറിച്ച് മെസ്സിയെ ആരുമായും താരതമ്യം ചെയ്യരുത് എന്നാണ് സീഡോർഫ് പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

” തീർച്ചയായും എംബപ്പേ ഒരു മികച്ച താരമാണ്. ഞാൻ അദ്ദേഹത്തിന്റെ കളി ഇഷ്ടപ്പെടുന്നു. പക്ഷേ എംബപ്പേയും മെസ്സിയും വ്യത്യസ്തരാണ്.എംബപ്പേ യഥാർത്ഥത്തിൽ മുന്നേറ്റത്തിലാണ് കൂടുതൽ ഇമ്പാക്റ്റുകൾ ഉണ്ടാക്കുന്നത്.എന്നാൽ ലയണൽ മെസ്സി അങ്ങനെയല്ല.കളത്തിന്റെ ഏതു ഭാഗത്ത് വച്ചും ഇമ്പാക്ട് ഉണ്ടാക്കാൻ കപ്പാസിറ്റിയുള്ള താരമാണ് മെസ്സി.മറ്റൊരു താരമായും ലയണൽ മെസ്സിയെ താരതമ്യം ചെയ്യാൻ പാടില്ല ” ഇതാണ് സീഡോർഫ് പറഞ്ഞിട്ടുള്ളത്.

ഏതായാലും ഫൈനലിൽ ഒരു തകർപ്പൻ പോരാട്ടമാണ് ആരാധകരെ കാത്തിരിക്കുന്നത്. മികച്ച പ്രകടനം നടത്തി കൊണ്ടാണ് ഇപ്പോൾ രണ്ട് ടീമുകളും ഫൈനലിന് യോഗ്യത നേടിയിട്ടുള്ളത്.