പിഎസ്ജിയുടെ എതിരാളികൾ ബയേൺ,റയലും ലിവർപൂളും നേർക്കുനേർ, ചാമ്പ്യൻസ് ലീഗിൽ കിടിലൻ പോരാട്ടങ്ങൾ!

യുവേഫ ചാമ്പ്യൻസ് ലീഗിന്റെ പ്രീ ക്വാർട്ടർ നറുക്കെടുപ്പ് ഒരല്പം മുമ്പ് അവസാനിച്ചു. തകർപ്പൻ പോരാട്ടങ്ങളാണ് ഫുട്ബോൾ ആരാധകരെ പ്രീ ക്വാർട്ടറിൽ തന്നെ കാത്തിരിക്കുന്നത്. പ്രധാനമായും രണ്ട് പോരാട്ടങ്ങളാണ് ആരാധകർക്ക് ഏറെ ആവേശം പകരുക.

കഴിഞ്ഞ സീസണിലെ ഫൈനൽ ആവർത്തിക്കപ്പെടുന്നു എന്നുള്ളതാണ് പ്രത്യേകത. അതായത് റയൽ മാഡ്രിഡും ലിവർപൂളും തമ്മിൽ ഒരിക്കൽ കൂടി മുഖാമുഖം വരുന്നു. അതേസമയം മറ്റൊരു തകർപ്പൻ പോരാട്ടം കൂടി കാത്തിരിക്കുന്നുണ്ട്.പിഎസ്ജിയുടെ എതിരാളികൾ കരുത്തരായ ബയേൺ മ്യൂണിക്കാണ്.

ഗ്രൂപ്പിൽ രണ്ടാം സ്ഥാനത്ത് ഫിനിഷ് ചെയ്തതോടുകൂടിയാണ് ലിവർപൂളിനും പിഎസ്ജിക്കും കരുത്തരായ എതിരാളികളെ നേരിടേണ്ടി വരുന്നത്. അടുത്ത വർഷം ഫെബ്രുവരി മാസത്തിലാണ് ഈ പ്രീ ക്വാർട്ടർ പോരാട്ടങ്ങൾ അരങ്ങേറുക. ആദ്യപാദ മത്സരം ഗ്രൂപ്പിൽ രണ്ടാം സ്ഥാനക്കാരായ ടീമുകളുടെ മൈതാനത്ത് വെച്ചാണ് നടക്കുക എന്നുള്ളത് കൂടി ചേർത്ത് വായിക്കേണ്ട കാര്യമാണ്.

ചാമ്പ്യൻസ് ലീഗിലെ പ്രീ ക്വാർട്ടർ മത്സരങ്ങൾ ഇങ്ങനെയാണ്..

RB Leipzig vs Manchester City

Club Brugge vs Benfica

Liverpool vs Real Madrid

AC Milan vs Tottenham

Eintracht Frankfurt vs Napoli

Borussia Dortmund vs Chelsea

Inter vs FC Porto

Paris Saint Germain-FC Bayern