Pure Madness : ലയണൽ മെസ്സിയെ കുറിച്ച് പെഡ്രി!

35ആം വയസ്സിലും തന്റെ പ്രതിഭക്ക് ഒരു കോട്ടവും തട്ടിയിട്ടില്ല എന്നുള്ളത് ലയണൽ മെസ്സി നാൾക്കുനാൾ തെളിയിച്ചു കൊണ്ടിരിക്കുകയാണ്.ഈ സീസണിൽ അതിഗംഭീര പ്രകടനമാണ് മെസ്സി പുറത്തെടുക്കുന്നത്. കഴിഞ്ഞ രണ്ട് മത്സരങ്ങളിൽ നിന്ന് മാത്രമായി ഏഴു ഗോളുകളിലാണ് മെസ്സി പങ്കാളിത്തം വഹിച്ചിട്ടുള്ളത്.ആകെ ഈ സീസണിൽ മെസ്സി 11 ഗോളുകളും 12 അസിസ്റ്റുകളും ക്ലബ്ബിനുവേണ്ടി നേടിക്കഴിഞ്ഞു.

മിന്നുന്ന പ്രകടനം പുറത്തെടുത്തു കൊണ്ടിരിക്കുന്ന ലയണൽ മെസ്സിയെ പ്രശംസിച്ചുകൊണ്ട് ഇപ്പോൾ എഫ്സി ബാഴ്സലോണയുടെ യുവ സൂപ്പർതാരമായ പെഡ്രി രംഗത്ത് വന്നിട്ടുണ്ട്. മെസ്സിയുടെ ഇപ്പോഴത്തെ മികവ് Pure Madness ആണ് എന്നാണ് പെഡ്രി പറഞ്ഞിട്ടുള്ളത്. കഴിഞ്ഞ ചാമ്പ്യൻസ് ലീഗ് മത്സരത്തിനു ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.പെഡ്രിയുടെ വാക്കുകൾ ഇങ്ങനെയാണ്.

” ലയണൽ മെസ്സിയുടെ ഇപ്പോഴത്തെ പ്രകടനം pure Madness ആണ്.ഞാൻ മെസ്സിയെക്കുറിച്ച് ഇതൊക്കെ മുൻപ് പറഞ്ഞിട്ടുള്ള കാര്യങ്ങളാണ്. അദ്ദേഹം വളരെ നല്ല ഒരു വ്യക്തിയും അത്ഭുതപ്പെടുത്തുന്ന താരവുമാണ്. മെസ്സിയെക്കുറിച്ച് ഇനി കൂടുതൽ പറയേണ്ട ആവശ്യമുണ്ട് എന്ന് എനിക്ക് തോന്നുന്നില്ല. കാരണം മെസ്സി ആരാണ് എന്നുള്ളത് ഈ ലോകത്തിനറിയാം. അദ്ദേഹത്തിന്റെ കാര്യത്തിൽ ഞാൻ സന്തോഷവാനാണ് ” പെഡ്രി പറഞ്ഞു.

ലയണൽ മെസ്സിക്കൊപ്പം എഫ്സി ബാഴ്സലോണയിൽ കളിക്കാൻ അവസരം ലഭിച്ചിട്ടുള്ള താരമാണ് പെഡ്രി. നിലവിൽ ബാഴ്സയുടെ ഏറ്റവും പ്രധാനപ്പെട്ട താരവും പെഡ്രിയാണ് എന്നുള്ള കാര്യത്തിൽ സംശയങ്ങളൊന്നുമില്ല.