മെസ്സി എത്രത്തോളം ആസ്വദിക്കുന്നുവോ അത്രയേറെ ഞങ്ങളും ആസ്വദിക്കുന്നുവെന്ന് സ്‌കലോണി!

ഇന്ന് നടന്ന അന്താരാഷ്ട്ര സൗഹൃദം മത്സരത്തിൽ മികച്ച വിജയം നേടാന്‍ ലാറ്റിനമേരിക്കൻ വമ്പൻമാരായ അർജന്റീന സാധിച്ചിരുന്നു.എതിരില്ലാത്ത മൂന്ന് ഗോളുകൾക്കാണ് അർജന്റീന ഹോണ്ടുറാസിനെ പരാജയപ്പെടുത്തിയത്.രണ്ട് ഗോളുകൾ നേടിയ സൂപ്പർതാരം ലയണൽ മെസ്സി മത്സരത്തിൽ മികച്ച പ്രകടനം നടത്തിയിരുന്നു. മറ്റൊരു ഗോൾ നേടിയത് ലൗറ്ററോ മാർട്ടിനസാണ്.

ഈ മത്സരത്തിനുശേഷം ഒരിക്കൽ കൂടി അർജന്റീനയുടെ പരിശീലകനായ സ്‌കലോണി മെസ്സിയുടെ പ്രകടനത്തെ പ്രശംസിച്ചിരുന്നു. ലയണൽ മെസ്സി കളിക്കളത്തിൽ എത്രത്തോളം ആസ്വദിക്കുന്നുവോ അത്രയേറെ ഞങ്ങളും ആസ്വദിക്കുന്നുവെന്നാണ് സ്‌കലോണി പറഞ്ഞിട്ടുള്ളത്. അദ്ദേഹത്തിന്റെ വാക്കുകളെ പ്രമുഖ അർജന്റൈൻ മാധ്യമമായ TYC സ്പോർട്സ് റിപ്പോർട്ട് ചെയ്യുന്നത് ഇങ്ങനെയാണ്.

” ഏറ്റവും പ്രധാനപ്പെട്ട കാര്യം എന്തെന്നാൽ ലയണൽ മെസ്സി വളരെ നല്ല രൂപത്തിലാണ് ഉള്ളത് എന്നതാണ്.അദ്ദേഹം വളരെയധികം കംഫർട്ടബിളാണ്. മാത്രമല്ല ഫുട്ബോൾ കളിക്കുന്നത് അദ്ദേഹം വളരെയധികം ആസ്വദിക്കുന്നു. അദ്ദേഹത്തിന് ആസ്വദിക്കാൻ കഴിയുന്നില്ലെങ്കിൽ അത് പ്രശ്നമാണ്.പക്ഷേ അദ്ദേഹം ഈ ടീമിൽ ഉള്ളത് വളരെയധികം ആസ്വദിക്കുന്നുണ്ട്.അതാണ് ഏറ്റവും പ്രധാനപ്പെട്ട കാര്യം. മെസ്സി കൂടുതൽ എൻജോയ് ചെയ്യുമ്പോൾ കൂടെയുള്ളവരും അതുപോലെ എൻജോയ് ചെയ്യുന്നു. മെസ്സി എത്രത്തോളം ആസ്വദിക്കുന്നുവോ അത്രയേറെ ഞങ്ങളും ആസ്വദിക്കുന്നുണ്ട് എന്നതാണ് അതിനർത്ഥം.അദ്ദേഹം വളരെ ഹാപ്പിയാണ്.ഇതുപോലെതന്നെ ഇനിയും തുടരുമെന്നാണ് പ്രതീക്ഷിക്കപ്പെടുന്നത് ” ഇതാണ് അർജന്റീന പരിശീലകൻ പറഞ്ഞിട്ടുള്ളത്.

ഹോണ്ടുറാസിനെതിരെയുള്ള ഇരട്ടഗോളോട് കൂടി അർജന്റീനക്ക് വേണ്ടി ആകെ 88 ഗോളുകൾ പൂർത്തിയാക്കാൻ മെസ്സിക്ക് സാധിച്ചിട്ടുണ്ട്. ഇനി അടുത്ത മത്സരത്തിൽ ജമൈക്കയാണ് അർജന്റീനയുടെ എതിരാളികൾ.