മെസ്സിയും ഗ്രീസ്‌മാനും അടിപിടി? വാർത്തയുടെ സത്യമെന്ത്?
ഇന്ന് ഫുട്ബോൾ ലോകത്ത് ഏറെ ചർച്ച ചെയ്യപ്പെട്ട ഒരു വിഷയമാണ് ബാഴ്സ സൂപ്പർ താരങ്ങളായ മെസ്സിയും ഗ്രീസ്‌മാനും തമ്മിൽ ബാഴ്സയുടെ പരിശീലനവേളയിൽ വെച്ച് അടിപിടിയുണ്ടായി എന്നുള്ളത്. മെസ്സിയും ഗ്രീസ്‌മാനും തമ്മിൽ ഉന്തും തള്ളും ഉണ്ടാവുകയും പിന്നീട് പരിശീലകൻ സെറ്റിയനും സഹതാരങ്ങളും കൂടി പിടിച്ചു മാറ്റുകയും ചെയ്തു എന്നാണ് വാർത്തകൾ. മലയാളത്തിലെ പ്രമുഖമാധ്യമങ്ങൾ ഉൾപ്പടെ പലരും ഇത് റിപ്പോർട്ട്‌ ചെയ്തിട്ടുണ്ട്. യഥാർത്ഥത്തിൽ ഇത് സ്പാനിഷ് മാധ്യമമായ ഡയാറിയൊ ഗോൾ എന്ന മാധ്യമമാണ് ഇത് ആദ്യമായി റിപ്പോർട്ട്‌ ചെയ്തത്. ഇവരെ ഉദ്ധരിച്ചു കൊണ്ടാണ് പലരും ഇത് ഏറ്റെടുത്തത്. യഥാർത്ഥത്തിൽ ഈ കാര്യത്തെ കുറിച്ച് വിശ്വസനീയമായ ഒരു ഉറവിടവും നിലവിൽ ലഭ്യമല്ല. ഫുട്ബോൾ ലോകത്തെ മുഖ്യധാരാ മാധ്യമങ്ങൾ ഒന്നും തന്നെ ഇത് റിപ്പോർട്ട്‌ ചെയ്തിട്ടില്ല. അത് കൊണ്ട് തന്നെ വാർത്തയുടെ കൂടുതൽ വ്യക്തിതക്ക് വേണ്ടി നാം കാത്തിരിക്കേണ്ടി വരും. കൂടുതൽ വിവരങ്ങൾക്ക് വീഡിയോ കാണൂ 👇
