ബാഴ്സയിലെ മെസ്സിയെയും പിഎസ്ജിയിലെ മെസ്സിയെയും താരതമ്യം ചെയ്ത് ഡെൽ പിയറോ!

ഈ സീസണിൽ പിഎസ്ജിയിലെക്ക് എത്തിയ സൂപ്പർ താരം ലയണൽ മെസ്സിക്ക് ഒരു മികച്ച തുടക്കം ഉണ്ടാക്കിയെടുക്കാൻ സാധിച്ചിരുന്നില്ല.പക്ഷെ പതിയെ പതിയെ മെസ്സി പിഎസ്ജിയുമായി ഇണങ്ങി വരുന്നുണ്ട്. എന്നിരുന്നാലും കഴിഞ്ഞ റയലിനെതിരെയുള്ള മത്സരത്തിൽ പെനാൽറ്റി പാഴാക്കിയത് മെസ്സിക്ക് തിരിച്ചടിയായിരുന്നു.

ഏതായാലും കഴിഞ്ഞ സീസണിൽ എഫ്സി ബാഴ്സലോണയിൽ ഉണ്ടായിരുന്ന മെസ്സിയെയും ഈ സീസണിൽ പിഎസ്ജിയിൽ ഉള്ള മെസ്സിയെയും തമ്മിലുള്ള ഒരു താരതമ്യം ഇറ്റാലിയൻ ഇതിഹാസമായ അലെസാൻഡ്രോ ഡെൽ പിയറോ നടത്തിയിട്ടുണ്ട്.അതായത് ബാഴ്സയിൽ മെസ്സി മാത്രമായിരുന്നു സൂപ്പർ താരമെന്നും എന്നാൽ പിഎസ്ജിയിൽ എല്ലാവരും സൂപ്പർ താരങ്ങളാണ് എന്നാണ് ഡെൽ പിയറോ പറഞ്ഞിട്ടുള്ളത്.കഴിഞ്ഞ ദിവസം സ്കൈ സ്പോർട്ട് ഇറ്റാലിയയോട് സംസാരിക്കുകയായിരുന്നു ഇദ്ദേഹം.ഡെൽ പിയറോയുടെ വാക്കുകൾ ഇങ്ങനെയാണ്.

” ബാഴ്സലോണയിൽ മെസ്സിയും ബാക്കി 10 പേര് സാധാരണ താരങ്ങളുമായിരുന്നു.എന്നാലിവിടെ നമ്മൾ സംസാരിക്കുന്ന പിഎസ്ജിയിൽ എല്ലാവരും സൂപ്പർ താരങ്ങളാണ് ” ഇതാണ് ഡെൽ പിയറോ പറഞ്ഞിട്ടുള്ളത്.ബാഴ്സയിൽ മെസ്സിയെ കേന്ദ്രീകരിച്ചായിരുന്നു കാര്യങ്ങളെന്നും എന്നാൽ പിഎസ്ജിയിൽ അങ്ങനെയല്ല എന്നുമാണ് ഡെൽ പിയറോ വ്യക്തമാക്കിയിരിക്കുന്നത്.

നേരത്തെ മെസ്സി ബാഴ്സ വിട്ട സമയത്ത് ഡെൽ പിയറോ തന്റെ ഞെട്ടൽ പ്രകടിപ്പിച്ചിരുന്നു.മെസ്സി ബാഴ്സയിൽ വിരമിച്ചു കാണാനാണ് താൻ ആഗ്രഹിച്ചത് എന്നുള്ള കാര്യം ഡെൽ പിയറോ കൂട്ടിച്ചേർക്കുകയും ചെയ്തിരുന്നു.