ഡെമ്പലെ റയലിലേക്ക് എത്തുന്നതിനെ ഞാൻ ഇഷ്ടപ്പെടുന്നു : സാഞ്ചസ്!
സൂപ്പർ താരം ഒസ്മാൻ ഡെമ്പലെ ഇനി ബാഴ്സയിൽ തുടരാനുള്ള സാധ്യത കുറവാണ്.കഴിഞ്ഞ അത്ലറ്റിക്കിനെതിരെയുള്ള ബാഴ്സ സ്‌ക്വാഡിൽ ഡെമ്പലെയെ സാവി ഉൾപ്പെടുത്തിയിരുന്നില്ല.ഇതോടെ ബാഴ്സയും ഡെമ്പലെയും തമ്മിലുള്ള പ്രശ്നങ്ങൾ മറനീക്കി പുറത്തു വന്നത്.ഈ സമ്മറിൽ ഡെമ്പലെ ക്ലബ് വിടുമെന്ന് ഉറപ്പായിട്ടുണ്ട്.
താരം ഏത് ക്ലബ്ബിലേക്ക് ചേക്കേറുമെന്നുള്ളത് അവ്യക്തമായ കാര്യമാണ്.പക്ഷെ ഡെമ്പലെ ബാഴ്സയുടെ ചിരവൈരികളായ റയലിലേക്ക് എത്തുന്നത് താൻ ഇഷ്ടപ്പെടുന്നു എന്നഭിപ്രായപ്പെട്ടിരിക്കുകയാണിപ്പോൾ പ്രമുഖ മാധ്യമപ്രവർത്തകനായ ഡേവിഡ് സാഞ്ചസ്.എത്രയും പെട്ടന്ന് ഡെമ്പലെ ബാഴ്സ വിടുന്നതാണ് നല്ലതെന്നും ഇദ്ദേഹം കൂട്ടിച്ചേർത്തിട്ടുണ്ട്.അദ്ദേഹത്തിന്റെ വാക്കുകൾ മാർക്ക റിപ്പോർട്ട്‌ ചെയ്യുന്നത് ഇങ്ങനെയാണ്.
— Murshid Ramankulam (@Mohamme71783726) January 22, 2022
” ഞാനാണെങ്കിൽ ഡെമ്പലെയെ റയൽ മാഡ്രിഡിലേക്ക് പോവാൻ അനുവദിക്കും.അദ്ദേഹം എവിടേക്ക് പോവുന്നു എന്നുള്ളത് ഞാൻ കാര്യമാക്കുകയില്ല,മറിച്ച് ഏറ്റവും പ്രധാനപ്പെട്ട കാര്യം എത്രയും വേഗം ബാഴ്സ വിടണം എന്നുള്ളതാണ്.അദ്ദേഹത്തെ റയലിന്റെ വെള്ള ജേഴ്‌സിയിൽ കാണുകയാണെങ്കിൽ എനിക്ക് അതൊരു പ്രശ്നമല്ല.മറിച്ച് അദ്ദേഹം റയലിന് വേണ്ടി കളിക്കുകയാണെങ്കിൽ എനിക്കത് ആസ്വദിക്കാൻ കഴിയും ” ഇതാണ് സാഞ്ചസ് പറഞ്ഞിട്ടുള്ളത്.
സാന്റിയാഗോ ബെർണാബുവിൽ റയലിനെതിരെ കളിച്ച ചരിത്രം ഡെമ്പലെക്കുണ്ട്.2017-ൽ ബാഴ്സയിൽ താരം എത്തിയ ശേഷം ആകെ 12 എൽ ക്ലാസ്സിക്കോകളാണ് അരങ്ങേറി യിട്ടുള്ളത്.അതിൽ അഞ്ച് മത്സരങ്ങൾ താരത്തിന് പരിക്കുമൂലം നഷ്ടമായിട്ടുണ്ട്.
