ഇനി നിർണായക പോരാട്ടങ്ങൾ, കോപ്പ അമേരിക്കയിലെ ക്വാർട്ടർ ഫൈനൽ ലൈനപ്പായി!

ഈ കോപ്പ അമേരിക്കയിലെ ഗ്രൂപ്പ്‌ ഘട്ടത്തിലെ മത്സരങ്ങൾക്ക് വിരാമമായി.രണ്ട് ഗ്രൂപ്പിൽ നിന്നും ഓരോ ടീമുകൾ വീതമാണ് പുറത്തായിരിക്കുന്നത്. ബാക്കിയുള്ള നാല് ടീമുകൾ വീതമാണ് ക്വാർട്ടറിൽ ഇടം നേടിയിരിക്കുന്നത്.ബൊളീവിയ, വെനിസ്വേല എന്നിവരാണ് കോപ്പയിൽ നിന്നും പുറത്തായത്. ആദ്യഗ്രൂപ്പിൽ അർജന്റീന ഒന്നാം സ്ഥാനം നേടിയപ്പോൾ രണ്ടാം ഗ്രൂപ്പിൽ ബ്രസീലാണ് ഒന്നാം സ്ഥാനം കരസ്ഥമാക്കിയത്.

ക്വാർട്ടർ ഫൈനലിൽ ബ്രസീലിന്റെ എതിരാളികൾ ചിലിയാണ്. തങ്ങളുടെ ഗ്രൂപ്പിൽ നാലാം സ്ഥാനത്താണ് ചിലി ഫിനിഷ് ചെയ്തത്. അതേസമയം അർജന്റീനയുടെ എതിരാളികൾ ഇക്വഡോറാണ്. ബ്രസീലിനെ സമനിലയിൽ തളച്ചതിന്റെ ആത്മവിശ്വാസത്തിലാണ് ഇക്വഡോർ.അതേസമയം മറ്റൊരു കടുത്ത പോരാട്ടം കൂടി ക്വാർട്ടറിൽ ആരാധകരെ കാത്തിരിക്കുന്നുണ്ട്.ഉറുഗ്വയുടെ എതിരാളികൾ കൊളംബിയയാണ്. ആര് വിജയിക്കുമെന്നുള്ളത് അപ്രവചനീയമായ മത്സരമായിരിക്കുമിത്.മറ്റൊരു മത്സരത്തിൽ പരാഗ്വ പെറുവിനെ നേരിടും.