അഗ്വേറൊ ബാഴ്സയുമായി കരാറിലെത്തി? വാർത്ത!

മാഞ്ചസ്റ്റർ സിറ്റിയുടെ അർജന്റൈൻ സൂപ്പർ സ്‌ട്രൈക്കർ സെർജിയോ അഗ്വേറൊ എഫ്സി ബാഴ്സലോണയുമായി കരാറിൽ എത്തിയതായി വാർത്ത. ലാ പോർട്ടേറിയയെ ഉദ്ധരിച്ചു കൊണ്ട് സ്പോർട്ട് ആണ് ഇക്കാര്യം റിപ്പോർട്ട്‌ ചെയ്തിരിക്കുന്നത്.ഈ സീസണിന് ശേഷം താരം ഫ്രീ ഏജന്റ് ആയിക്കൊണ്ടാണ് എഫ്സി ബാഴ്സലോണയിൽ എത്തുക. ഈ റിപ്പോർട്ടുകൾ പ്രകാരം താരം രണ്ട് വർഷത്തെ കരാറിലാണ് ഒപ്പ് വെച്ചിരിക്കുന്നത്.അഞ്ച് മില്യൺ യൂറോയാണ് താരത്തിന്റെ വാർഷികവേതനം. സിറ്റിയിൽ താരത്തിന് ലഭിച്ചതിനേക്കാൾ എത്രയോ കുറവാണ് ഈ തുക.

ജൂൺ അഞ്ച് ശനിയാഴ്ച്ച താരത്തെ പ്രെസന്റ് ചെയ്യാൻ സാധ്യതയുണ്ട് എന്നും ഈ റിപ്പോർട്ട്‌ ചൂണ്ടികാണിക്കുന്നുണ്ട്. ലൂയിസ് സുവാരസിന്റെ സ്ഥാനത്തേക്ക് ആണ് താരമെത്തുന്നത്. മെസ്സി ബാഴ്സയിൽ തുടർന്നാൽ മാത്രമേ താൻ ബാഴ്‌സയിൽ എത്തുകയൊള്ളൂ എന്ന നിലപാട് അഗ്വേറൊ സ്വീകരിച്ചിരുന്നു. അങ്ങനെയാണേൽ ഈ റിപ്പോർട്ട്‌ പ്രകാരം മെസ്സി ബാഴ്സയുമായി കരാർ പുതുക്കിയേക്കും.ഈ സീസണിൽ വേണ്ടത്ര അവസരങ്ങൾ സിറ്റിയിൽ അഗ്വേറൊക്ക് ലഭിച്ചിട്ടില്ല.18 മത്സരങ്ങൾ മാത്രം കളിച്ച താരം. നാല് ഗോളുകളും ഒരു അസിസ്റ്റും മാത്രമേ നേടിയിട്ടൊള്ളൂ.എന്നാൽ സിറ്റിയുടെ എക്കാലത്തെയും മികച്ച ഗോൾവേട്ടക്കാരനാണ് ബാഴ്സയിൽ എത്തുക.