റയലിനെക്കാൾ കൂടുതൽ ഞങ്ങൾ അടിച്ചല്ലോ? ബാഴ്സയോടുള്ള തോൽവിയിലും റയലിനെ ട്രോളി റെഡ് സ്റ്റാർ താരം!

ഇന്നലെ ചാമ്പ്യൻസ് ലീഗിൽ നടന്ന മത്സരത്തിൽ ബാഴ്സ ഒരു ഗംഭീര വിജയം സ്വന്തമാക്കിയിരുന്നു. രണ്ടിനെതിരെ അഞ്ച് ഗോളുകൾക്കായിരുന്നു റെഡ് സ്റ്റാർ ബെൽഗ്രേഡ് അവരെ പരാജയപ്പെടുത്തിയത്.ലെവന്റോസ്ക്കി,റാഫിഞ്ഞ,കൂണ്ടെ എന്നിവരായിരുന്നു മത്സരത്തിൽ ബാഴ്സക്ക് വേണ്ടി തിളങ്ങിയിരുന്നത്. എന്നാൽ രണ്ട് ഗോളുകൾ തിരിച്ചടിക്കാനായി എന്നുള്ളത് തന്നെ ഈ സെർബിയൻ ക്ലബ്ബിനെ സംബന്ധിച്ചിടത്തോളം സന്തോഷിക്കാൻ വക നൽകുന്ന കാര്യമാണ്.

ഇതിനു മുൻപ് റയൽ മാഡ്രിഡിനെ എതിരില്ലാത്ത നാല് ഗോളുകൾക്ക് ബാഴ്സ പരാജയപ്പെടുത്തിയിരുന്നു. ഇത് ചൂണ്ടിക്കാണിച്ചുകൊണ്ട് റെഡ് സ്റ്റാറിന്റെ താരമായ ടിമി എൽസ്നിക്ക് റയലിനെ ഒന്ന് ട്രോളിയിട്ടുണ്ട്. അതായത് റയലിനെക്കാൾ കൂടുതൽ ഗോളുകൾ ഞങ്ങൾ ബാഴ്സക്കെതിരെ അടിച്ചല്ലോ എന്നാണ് ടിമി പറഞ്ഞിട്ടുള്ളത്. മത്സരശേഷം സംസാരിക്കുകയായിരുന്നു അദ്ദേഹം. താരത്തിന്റെ വാക്കുകൾ ഇങ്ങനെയാണ്.

” വിജയത്തിന് ഞങ്ങൾ ബാഴ്സയെ അഭിനന്ദിക്കുന്നു.ലോകത്തിലെ ഏറ്റവും മികച്ച താരങ്ങൾ അവരുടെ കൂടെയുണ്ട്.ഞങ്ങൾ പരമാവധി പോരാടാൻ ശ്രമിച്ചിട്ടുണ്ട്.എന്തായാലും റയൽ മാഡ്രിഡ് അടിച്ചതിനേക്കാൾ കൂടുതൽ ഗോളുകൾ ഞങ്ങൾക്ക് അവർക്കെതിരെ അടിക്കാൻ കഴിഞ്ഞല്ലോ “ഇതാണ് റെഡ് സ്റ്റാർ താരം പറഞ്ഞിട്ടുള്ളത്.

ഗംഭീര പ്രകടനമാണ് ബാഴ്സ ഇപ്പോൾ നടത്തിക്കൊണ്ടിരിക്കുന്നത്.ലാലിഗയിൽ ഒന്നാം സ്ഥാനത്ത് തുടരുന്നത് ബാഴ്സയാണ്.12 മത്സരങ്ങളിൽ 11 മത്സരങ്ങളിലും വിജയിക്കാൻ അവർക്ക് കഴിഞ്ഞിട്ടുണ്ട്. ഈ സീസണിൽ ആകെ കളിച്ച 16 മത്സരങ്ങളിൽ നിന്ന് 55 ഗോളുകളാണ് ബാഴ്സ നേടിയിട്ടുള്ളത്.