യുണൈറ്റഡ് ഇന്ന് വിജയിക്കുമോ? ബെറ്റിങ് ഓഡ് പ്രെഡിക്ഷൻ ഇങ്ങനെ!

യുവേഫ ചാമ്പ്യൻസ് ലീഗിലെ അഞ്ചാം റൗണ്ട് പോരാട്ടത്തിൽ മാഞ്ചസ്റ്റർ യുണൈറ്റഡ് ഇന്ന് കളത്തിലേക്കിറങ്ങുന്നുണ്ട്. വിയ്യാറയലാണ് യുണൈറ്റഡിന്റെ എതിരാളികൾ. ഇന്ന് രാത്രി ഇന്ത്യൻ സമയം 11.15-ന് വിയ്യാറയലിന്റെ മൈതാനത്ത് വെച്ചാണ് മത്സരം അരങ്ങേറുക.

യുണൈറ്റഡിനെ സംബന്ധിച്ചിടത്തോളം സോൾഷെയറെ പുറത്താക്കിയതിന് ശേഷമുള്ള ആദ്യ മത്സരമാണിത്. മൈക്കൽ കാരിക്കാണ് ഇന്ന് യുണൈറ്റഡിന് തന്ത്രങ്ങളോതുക. നിലവിൽ 7 പോയിന്റുള്ള യുണൈറ്റഡ് ഗ്രൂപ്പിൽ ഒന്നാമതാണ്. അതേസമയം 7 പോയിന്റ് തന്നെയുള്ള വിയ്യാറയൽ രണ്ടാമതും 5 പോയിന്റുള്ള അറ്റലാന്റ മൂന്നാമതുമാണ്.ഇന്നത്തെ മത്സരത്തിൽ വിജയിക്കാൻ സാധിച്ചാൽ യുണൈറ്റഡിന് പ്രീ ക്വാർട്ടർ സാധ്യതകൾ സജീവമാക്കാൻ സാധിക്കും.

ആദ്യ മത്സരത്തിൽ ഒന്നിനെതിരെ രണ്ട് ഗോളുകൾക്ക്‌ യുണൈറ്റഡ് വിയ്യാറയലിനെ പരാജയപ്പെടുത്തിയിരുന്നു. അത് യുണൈറ്റഡിന് ആത്മവിശ്വാസം നൽകുന്ന കാര്യമാണ്.അതേസമയം സ്വന്തം മൈതാനത്ത് ഇംഗ്ലീഷ് ക്ലബുകൾക്കെതിരെ വിയ്യാറയൽ മികച്ച പ്രകടനം കാഴ്ചവെക്കുന്നത് യുണൈറ്റഡിന് ഒരല്പം ആശങ്ക നൽകുന്ന കാര്യമാണ്.

ഏതായാലും ഈ മത്സരത്തിലെ ബെറ്റിങ് ഓഡ് പ്രെഡിക്ഷൻ പ്രമുഖ മാധ്യമമായ മാഞ്ചസ്റ്റർ ന്യൂസ്‌ പുറത്ത് വിട്ടിട്ടുണ്ട്.4/7 ആണ് ഇവരുടെ ഒരു പ്രെഡിക്ഷൻ. അതായത് മാഞ്ചസ്റ്റർ യുണൈറ്റഡിന് തന്നെയാണ് വിജയസാധ്യത. കൂടാതെ ഇരു ടീമുകളും രണ്ട് ഗോളുകൾക്ക്‌ മുകളിൽ നേടാനുള്ള സാധ്യതയും ഇവർ ചൂണ്ടി കാണിക്കുന്നുണ്ട്.

ഏതായാലും മൈക്കൽ കാരിക്കിന്റെ യുണൈറ്റഡിന് വിയ്യാറയലിനെ കീഴടക്കാൻ സാധിക്കുമോ? നിങ്ങളുടെ പ്രവചനങ്ങൾ രേഖപ്പെടുത്താം.