ബ്രൂഗെ കരുത്തരായ ടീം,പിഎസ്ജി ജയമാണ് അർഹിച്ചിരുന്നത് : ഹെരേര

ഇന്നലെ ചാമ്പ്യൻസ് ലീഗിൽ നടന്ന മത്സരത്തിൽ കരുത്തരായ പിഎസ്ജിയെ സമനിലയിൽ തളക്കാൻ ക്ലബ് ബ്രൂഗെക്ക്‌ സാധിച്ചിരുന്നു. വൻ താരനിര അണിനിരണ പിഎസ്ജിയെ വിറപ്പിക്കാൻ ക്ലബ് ബ്രൂഗെക്ക്‌ സാധിച്ചിരുന്നു. മത്സരത്തിൽ പിഎസ്ജിയുടെ ഗോൾ നേടിയത് ആൻഡർ ഹെരേരയായിരുന്നു. ഏതായാലും മത്സരശേഷം ഇതിനെ കുറിച്ചുള്ള അഭിപ്രായങ്ങൾ ഹെരേര രേഖപ്പെടുത്തിയിട്ടുണ്ട്.ബ്രൂഗെ കരുത്തരായ ടീം ആണെന്നും പിഎസ്ജി ജയമാണ് അർഹിച്ചിരുന്നത് എന്നാണ് ഹെരേരയുടെ അഭിപ്രായം.മത്സരശേഷം ആർഎംസി സ്പോർട്ടിനോട് സംസാരിക്കുകയായിരുന്നു അദ്ദേഹം.

” ബ്രൂഗെ ഒരു കരുത്തരായ ടീമാണ് എന്ന് ഞങ്ങൾക്ക്‌ മത്സരത്തിന് മുന്നേ അറിയാമായിരുന്നു.മത്സരം വിജയിക്കാൻ ആവിശ്യമായ മികച്ച പ്രകടനം ഞങ്ങൾ നടത്തിയിട്ടുണ്ട്.ഒരു ഗംഭീരപ്രകടനം നടത്താൻ ഞങ്ങൾക്ക്‌ സാധിച്ചിട്ടില്ല.ബ്രൂഗെയുടെ ഗോൾകീപ്പർ മികച്ചു നിന്നു.ചില അവസരങ്ങൾ ഞങ്ങൾ പാഴാക്കി, ഞങ്ങൾ ഇമ്പ്രൂവ് ആകേണ്ടതുണ്ട്. ഞങ്ങൾ മത്സരം വിജയിക്കേണ്ടതുണ്ട്.നല്ല ഒരു ആക്രമണനിരയുള്ള ടീമാണ് ഞങ്ങളുടേത്.നിങ്ങൾ ഒരു അറ്റാക്കിങ് ടീം ആവുമ്പോൾ നിങ്ങൾ സ്‌പേസ് ഒഴിച്ചിടുന്ന സമയം ഉണ്ടാവും. അത് സ്വാഭാവികമാണ് ” ഇതാണ് ഹെരേര പറഞ്ഞത്.