ചരിത്ര നേട്ടം സ്വന്തമാക്കി, ഇത് സങ്കൽപ്പിക്കാൻ പോലും സാധിക്കാത്തതെന്ന് എമി!
ഫുട്ബോൾ ലോകത്തെ ഏറ്റവും മികച്ച താരത്തിനുള്ള ബാലൺഡി’ഓർ പുരസ്കാരം ഇന്നലെയാണ് സമ്മാനിക്കപ്പെട്ടത്.റോഡ്രിയാണ് ഇത്തവണ ബാലൺഡി’ഓർ നേടിയിട്ടുള്ളത്.കൂടാതെ ഏറ്റവും മികച്ച ഗോൾകീപ്പർക്കുള്ള യാഷിൻ ട്രോഫിയും നൽകപ്പെട്ടിട്ടുണ്ട്.അർജന്റൈൻ ഗോൾകീപ്പറായ എമിലിയാണോ മാർട്ടിനസാണ് ഈയൊരു പുരസ്കാരം സ്വന്തമാക്കിയിട്ടുള്ളത്. ഇത് രണ്ടാം തവണയാണ് എമി യാഷിൻ ട്രോഫി നേടുന്നത്. ഫുട്ബോൾ ചരിത്രത്തിൽ ആദ്യമായി കൊണ്ടാണ് ഒരു ഗോൾകീപ്പർ രണ്ടുതവണ യാഷിൻ ട്രോഫി സ്വന്തമാക്കുന്നത്.
സ്പാനിഷ് ഗോൾകീപ്പറായ ഉനൈ സിമോണെ പരാജയപ്പെടുത്തി കൊണ്ടാണ് എമി ഈ ചരിത്ര നേട്ടം കരസ്ഥമാക്കിയിട്ടുള്ളത്.ഈ പുരസ്കാരം സ്വീകരിച്ചതിനുശേഷം വളരെ സന്തോഷത്തോടുകൂടിയാണ് അദ്ദേഹം സംസാരിച്ചിട്ടുള്ളത്. തനിക്ക് സങ്കൽപ്പിക്കാൻ പോലും സാധിക്കാത്ത നേട്ടത്തിലെത്തി എന്നാണ് എമി പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.
“ആദ്യമായി ഞാൻ എല്ലാവരോടും നന്ദി പറയുന്നു. ഒരു ചെറിയ സ്ഥലത്ത് നിന്നാണ് ഞാൻ വരുന്നത്.പക്ഷേ ഞാൻ തനിച്ചും ഗ്രൂപ്പ് ലെവലിലും ഒരുപാട് ഇമ്പ്രൂവ് ആവാൻ ശ്രമിച്ച വ്യക്തിയാണ്. അതിന്റെ ഫലമാണിത്. എന്റെ കരിയറിന്റെ തുടക്കകാലം തൊട്ടേ ഞാൻ സ്വപ്നം കണ്ട ഒന്നാണ് ഇത്.ഇംഗ്ലണ്ടിൽ കളിക്കാനും ദേശീയ ടീമിന് വേണ്ടി കളിക്കാനും ഇത്തരത്തിലുള്ള നേട്ടങ്ങൾ സ്വന്തമാക്കാനും എനിക്കിപ്പോൾ കഴിഞ്ഞു. ഒരുതവണ നേടുക എന്നുള്ളത് തന്നെ ഇംപ്രസ്സീവ് ആണ്. രണ്ടുതവണ നേടാൻ കഴിഞ്ഞു എന്നത് സങ്കൽപ്പിക്കാൻ പോലും സാധിക്കാത്ത ഒന്നാണ് ” ഇതാണ് എമി പറഞ്ഞിട്ടുള്ളത്.
അർഹിച്ച പുരസ്കാരം തന്നെയാണ് ഈ അർജന്റൈൻ ഗോൾകീപ്പർ സ്വന്തമാക്കിയിട്ടുള്ളത്.കോപ്പ അമേരിക്കയിൽ ഗംഭീര പ്രകടനം താരം നടത്തിയിരുന്നു. കൂടാതെ കഴിഞ്ഞ സീസണിൽ ആസ്റ്റൻ വില്ലക്ക് വേണ്ടി മികച്ച പ്രകടനം നടത്താനും ഈ ഒരു ഗോൾകീപ്പർക്ക് കഴിഞ്ഞിട്ടുണ്ട്.
