എംബപ്പേ പൊളിച്ചടുക്കും,പിഎസ്ജി ബാഴ്സയെ തോൽപ്പിക്കുക തന്നെ ചെയ്യും: മുൻ അർജന്റൈൻ താരം

യുവേഫ ചാമ്പ്യൻസ് ലീഗിൽ നടക്കുന്ന രണ്ടാം പാദ ക്വാർട്ടർ ഫൈനൽ പോരാട്ടത്തിൽ ബാഴ്സലോണയും പിഎസ്ജിയും തമ്മിലാണ് ഏറ്റുമുട്ടുന്നത്. നാളെ രാത്രി ഇന്ത്യൻ സമയം 12:30ന് ബാഴ്സലോണയുടെ മൈതാനത്ത് വെച്ചുകൊണ്ടാണ് ഈ മത്സരം നടക്കുക. ഈ മത്സരത്തിൽ പിഎസ്ജിയെ സംബന്ധിച്ചിടത്തോളം ഒരു തിരിച്ചുവരവ് അനിവാര്യമാണ്.എന്തെന്നാൽ ആദ്യപാദത്തിൽ സ്വന്തം മൈതാനത്ത് വെച്ചുകൊണ്ട് പിഎസ്ജി പരാജയപ്പെട്ടിരുന്നു.രണ്ടിനെതിരെ മൂന്നു ഗോളുകൾക്കായിരുന്നു പിഎസ്ജി പരാജയം അറിഞ്ഞത്.

മത്സരത്തിൽ കിലിയൻ എംബപ്പേ വളരെ മോശം പ്രകടനമായിരുന്നു നടത്തിയിരുന്നത്. ഗോളുകളോ അസിസ്റ്റുകളോ അദ്ദേഹത്തിന് നേടാൻ കഴിഞ്ഞിരുന്നില്ല എന്നുള്ളത് മാത്രമല്ല ബാഴ്സ ഡിഫൻസ് അദ്ദേഹത്തെ നന്നായി വരിഞ്ഞ് മുറുക്കുകയും ചെയ്തിരുന്നു.അതുകൊണ്ടുതന്നെ താരത്തിന് വിമർശനങ്ങൾ കേൾക്കേണ്ടിവന്നിരുന്നു. എന്നാൽ പിഎസ്ജിക്ക് വേണ്ടി കളിച്ചിരുന്ന മുൻ അർജന്റൈൻ താരമായ ഹവിയർ പാസ്റ്റോറെ എംബപ്പേയെ പിന്തുണച്ചുകൊണ്ട് രംഗത്ത് വന്നിട്ടുണ്ട്. അദ്ദേഹത്തിന്റെ വാക്കുകൾ ഇങ്ങനെയാണ്

” വരുന്ന മത്സരത്തിൽ എംബപ്പേ ഏറ്റവും മികച്ച പ്രകടനം പുറത്തെടുക്കും എന്ന കാര്യത്തിൽ എനിക്ക് ഉറപ്പുണ്ട്.നിനക്ക് അദ്ദേഹത്തെക്കുറിച്ച് കുറച്ചൊക്കെ അറിയാം.പിഎസ്ജി സെമിഫൈനലിന് യോഗ്യത നേടണമെന്ന് ഏറ്റവും കൂടുതൽ ആഗ്രഹിക്കുന്ന വ്യക്തി എംബപ്പേയാണ്.തീർച്ചയായും ടീമിന്റെ ഉത്തരവാദിത്വം അദ്ദേഹം ഏറ്റെടുക്കും,മികച്ച പ്രകടനം അദ്ദേഹം നടത്തുകയും ചെയ്യും.അദ്ദേഹത്തെ സംശയിക്കേണ്ട യാതൊരുവിധ കാര്യവുമില്ല, അദ്ദേഹം പ്രതികരിക്കുക തന്നെ ചെയ്യും “ഇതാണ് പാസ്‌റ്റോറെ പറഞ്ഞിട്ടുള്ളത്.

കഴിഞ്ഞ മത്സരത്തിലെ മോശം പ്രകടനത്തിന്റെ പേരിൽ വലിയ വിമർശനങ്ങൾ എംബപ്പേക്ക് നേരിടേണ്ടി വന്നിരുന്നു. ഒരു ആത്മാർത്ഥതയും ഇല്ലാതെയാണ് എംബപ്പേ കളിച്ചത് എന്നായിരുന്നു ആരോപണങ്ങൾ.നേരത്തെ ബാഴ്സക്കെതിരെ ബാഴ്സയുടെ മൈതാനത്ത് വച്ചുകൊണ്ട് ഹാട്രിക്ക് സ്വന്തമാക്കിയ താരമാണ് എംബപ്പേ.അത് ആവർത്തിക്കും എന്ന പ്രതീക്ഷ പല ആരാധകർക്കും ഉണ്ട്.