അങ്ങനെയെങ്കിൽ എംബപ്പേയെ തല്ലും: റൂഡിഗർ

സൂപ്പർ താരം കിലിയൻ എംബപ്പേ വരുന്ന സമ്മർ ട്രാൻസ്ഫർ ജാലകത്തിൽ പിഎസ്ജി വിടാൻ തീരുമാനിച്ചിട്ടുണ്ട്.ഫ്രീ ഏജന്റായി കൊണ്ട് സ്പാനിഷ് വമ്പൻമാരായ റയൽ മാഡ്രിലേക്ക് ആയിരിക്കും അദ്ദേഹം പോവുക. ഇക്കാര്യം ഒഫീഷ്യലായി കൊണ്ട് സ്ഥിരീകരിക്കപ്പെട്ടിട്ടില്ലെങ്കിലും മാധ്യമങ്ങൾ കൺഫേം ചെയ്തിട്ടുണ്ട്.എന്നാൽ പിഎസ്ജി വിടുന്നതിന് മുൻപേ ചാമ്പ്യൻസ് ലീഗ് ജേതാവായിക്കൊണ്ട് ക്ലബ്ബിനോട് വിട പറയാനുള്ള ഒരു സുവർണ്ണാവസരം ഇപ്പോൾ എംബപ്പേക്ക് മുന്നിലുണ്ട്.

എന്തെന്നാൽ ചാമ്പ്യൻസ് ലീഗ് സെമി ഫൈനലിൽ അവർ പ്രവേശിച്ചിട്ടുണ്ട്.സെമിയും ഫൈനലും അതിജീവിക്കാനായാൽ എംബപ്പേക്കും പിഎസ്ജിക്കും കന്നി ചാമ്പ്യൻസ് ലീഗ് കിരീടം നേടാൻ സാധിക്കും.പക്ഷേ ഫൈനലിൽ റയൽ മാഡ്രിഡ് എതിരാളികളായി കൊണ്ട് വരാൻ സാധ്യതയുണ്ട്.ബയേണിനെതിരെയുള്ള ആദ്യപാദ പോരാട്ടം സമനിലയിൽ കുരുങ്ങിയെങ്കിലും രണ്ടാം പാദം റയൽ സ്വന്തം മൈതാനത്തെ വച്ചുകൊണ്ടാണ് കളിക്കുക.

കിലിയൻ എംബപ്പേയെ ചാമ്പ്യൻസ് ലീഗ് ഫൈനലിൽ നേരിടേണ്ടി വന്നാൽ എന്ത് ചെയ്യും? റയൽ മാഡ്രിഡിന്റെ ജർമൻ പ്രതിരോധനിര താരമായ അന്റോണിയോ റൂഡിഗർ തമാശ രൂപേണ ചില കാര്യങ്ങൾ പറഞ്ഞിട്ടുണ്ട്.വേണ്ടി വന്നാൽ അദ്ദേഹത്തെ തല്ലും എന്നാണ് റൂഡിഗർ പറഞ്ഞിട്ടുള്ളത്.അദ്ദേഹത്തിന്റെ വാക്കുകൾ ഇങ്ങനെയാണ്.

“എംബപ്പേയെ ചാമ്പ്യൻസ് ലീഗ് ഫൈനലിൽ നേരിടേണ്ടി വന്നാൽ ഞങ്ങൾ അദ്ദേഹത്തെ തോൽപ്പിക്കുക തന്നെ ചെയ്യും. ഇനി അഥവാ അദ്ദേഹം എന്നെ ഡ്രിബിൾ ചെയ്ത് കൊണ്ട് മുന്നോട്ട് പോയാൽ ഞാൻ അദ്ദേഹത്തെ തല്ലുകയും ഇടിക്കുകയും ചെയ്യും ” ഇതാണ് തമാശ രൂപേണ റൂഡിഗർ പറഞ്ഞിട്ടുള്ളത്.

ഏതായാലും ബൊറൂസിയയെ മറികടന്നുകൊണ്ട് പിഎസ്ജിയും ബയേണിനെ മറികടന്നു കൊണ്ട് റയലും ഫൈനലിൽ എത്തുമോ എന്നതാണ് ആരാധകർ ഉറ്റുനോക്കുന്നത്. അങ്ങനെ സംഭവിച്ചാൽ ഒരിക്കൽ കൂടി എംബപ്പേ റയലിനെതിരെ കളിക്കേണ്ടി വന്നേക്കും.