ലോകത്തിലെ ഏറ്റവും മികച്ച സ്ട്രൈക്കറാര്? മൂന്ന് പേരുടെ ലിസ്റ്റുമായി റൊണാൾഡോ!
ഫുട്ബോൾ ചരിത്രത്തിലെ ഏറ്റവും മികച്ച സ്ട്രൈക്കർമാരിൽ ഒരാളാണ് ബ്രസീലിയൻ ഇതിഹാസമായ റൊണാൾഡോ നസാരിയോ.പന്ത് തട്ടിയിടത്തെല്ലാം പൊന്നു വിളയിക്കാൻ റൊണാൾഡോ നസാരിയോക്ക് സാധിച്ചിട്ടുണ്ട്.വേൾഡ് കപ്പിൽ ബ്രസീലിനു വേണ്ടി ആകെ 15 ഗോളുകൾ നേടിയ താരം രണ്ട് വേൾഡ് കപ്പ് കിരീടങ്ങളും സ്വന്തമാക്കിയിട്ടുണ്ട്.
ഏതായാലും കഴിഞ്ഞ ദിവസം ബോബോ ടിവിക്ക് നൽകിയ അഭിമുഖത്തിൽ റൊണാൾഡോക്ക് ഒരു ചോദ്യം നേരിടേണ്ടി വന്നിരുന്നു.അതായത് നിലവിലെ ഫുട്ബോൾ ലോകത്തെ ഏറ്റവും മികച്ച സ്ട്രൈക്കർ ആരാണ് എന്നാണ് റൊണാൾഡോയോട് ചോദിക്ക്പ്പെട്ടത്. റയലിന്റെ ഫ്രഞ്ച് സൂപ്പർതാരമായ കരിം ബെൻസിമയാണ് റൊണാൾഡോയുടെ അഭിപ്രായത്തിൽ ഏറ്റവും മികച്ച സ്ട്രൈക്കർ.കൂടാതെ താരത്തിന് പിറകിലായി രണ്ടുപേരെ കൂടി റൊണാൾഡോ കൂട്ടിച്ചേർത്തിട്ടുണ്ട്. അദ്ദേഹത്തിന്റെ വാക്കുകൾ ഇങ്ങനെയാണ്.
— Murshid Ramankulam (@Mohamme71783726) February 2, 2022
” എന്റെ അഭിപ്രായത്തിൽ കരിം ബെൻസിമയാണ് ലോകത്തിലെ ഏറ്റവും മികച്ച സ്ട്രൈക്കർ.അദ്ദേഹത്തിന്റെ തൊട്ടരികിലാണ് റോബർട്ട് ലെവന്റോസ്ക്കിയുടെ സ്ഥാനം.ഹാലണ്ട് ഭാവിയിൽ ഒരു കരുത്തുറ്റ താരമായേക്കാം. ഒരുപക്ഷേ ഒന്നാം നമ്പറുകാരനുമായേക്കാം.പക്ഷെ ബെൻസിമ,ലെവന്റോസ്ക്കി എന്നിവരുടെ ടെക്നിക്ക് ഹാലണ്ടിനില്ല ” ഇതാണ് റൊണാൾഡോ നസാരിയോ അഭിപ്രായപ്പെട്ടിട്ടുള്ളത്.
നിലവിൽ മികച്ച ഫോമിലാണ് ഈ സീസണിൽ ബെൻസിമയും ഹാലണ്ടുമൊക്കെ കളിക്കുന്നത്. അതേസമയം കഴിഞ്ഞ വർഷത്തെ ഏറ്റവും മികച്ച താരത്തിനുള്ള ഫിഫയുടെ പുരസ്കാരം റോബർട്ട് ലെവന്റോസ്ക്കിയായിരുന്നു സ്വന്തമാക്കിയിരുന്നത്.
