ബാലൺ ഡി’ഓർ പോരാട്ടത്തിൽ ബെൻസിമയെ മറികടക്കാൻ സാധ്യതയുള്ള അഞ്ച് പേർ ഇവർ!

ഈ വർഷത്തെ ഏറ്റവും മികച്ച താരത്തിനുള്ള ബാലൺ ഡി’ഓർ പുരസ്കാരം ആര് നേടുമെന്നുള്ളത് ഇപ്പോൾ തന്നെ ഫുട്ബോൾ ആരാധകർക്കിടയിൽ വലിയ ചർച്ചാവിഷയമാണ്.റയൽ മാഡ്രിഡിന്റെ ഫ്രഞ്ച് സൂപ്പർ താരമായ കരിം ബെൻസിമക്കാണ് ഏറ്റവും കൂടുതൽ സാധ്യത കൽപ്പിക്കപ്പെടുന്നത്. ഈ സീസണിൽ ആകെ 46 ഗോളുകൾ നേടിയ താരം 2 കിരീടനേട്ടങ്ങളിലും പങ്കാളിയായിട്ടുണ്ട്.

എന്നാൽ ഈ പോരാട്ടത്തിൽ ബെൻസിമക്ക് വെല്ലുവിളി ഉയർത്തുന്ന ചില താരങ്ങളുണ്ട്. അത്തരത്തിലുള്ള അഞ്ചു താരങ്ങളെ നമുക്കൊന്ന് പരിശോധിക്കാം.

അഞ്ചാമത്തെ താരം ലിവർപൂളിന്റെ സാഡിയോ മാനെയാണ്.ഈ സീസണിൽ ആഫ്ക്കോൺ കിരീടവും കരബാവോ കപ്പും മാനെ കരസ്ഥമാക്കിയിട്ടുണ്ട്.20 ഗോളുകളും 3 അസിസ്റ്റുകളുമാണ് മാനെയുടെ ഈ സീസണിലെ സമ്പാദ്യം.

നാലാമത്തെ താരം മാഞ്ചസ്റ്റർ സിറ്റിയുടെ കെവിൻ ഡി ബ്രൂയിനയാണ്. മിന്നും പ്രകടനമാണ് ഇപ്പോൾ താരം നടത്തിക്കൊണ്ടിരിക്കുന്നത്. ഈ സീസണിൽ 15 ഗോളുകളും 12 അസിസ്റ്റുകളും ഇദ്ദേഹം കരസ്ഥമാക്കിയിട്ടുണ്ട്.

മൂന്നാമത്തെ താരം ബയേണിന്റെ റോബർട്ട് ലെവൻഡോവ്സ്കിയാണ്. ബുണ്ടസ്ലിഗ കിരീടം താരം നേടിയിട്ടുണ്ട്.48 ഗോളുകളും ആറ് അസിസ്റ്റുകളുമാണ് താരത്തിന്റെ സമ്പാദ്യം.

രണ്ടാമത്തെ താരം പിഎസ്ജിയുടെ ഫ്രഞ്ച് സൂപ്പർതാരമായ കിലിയൻ എംബപ്പേയാണ്.പിഎസ്ജിയോടൊപ്പം ലീഗ് വൺ കിരീടവും ഫ്രാൻസിനോടൊപ്പം നേഷൻസ് ലീഗും കരസ്ഥമാക്കാൻ എംബപ്പേക്ക് സാധിച്ചിട്ടുണ്ട്.33 ഗോളുകളും 22 അസിസ്റ്റുകളുമാണ് താരത്തിന്റെ ഈ സീസണിലെ സമ്പാദ്യം.

ഒന്നാമത്തെ താരം ലിവർപൂളിന്റെ സൂപ്പർതാരമായ മുഹമ്മദ് സലായാണ്. ക്ലബ്ബിനൊപ്പം കരബാവോ കപ്പ് താരം സ്വന്തമാക്കിയിട്ടുണ്ട്. കൂടാതെ മറ്റു കിരീടങ്ങളിലും സാധ്യതകൾ അവശേഷിക്കുന്നുണ്ട്.30 ഗോളുകളും 13 അസിസ്റ്റുകളുമാണ് താരത്തിന്റെ സമ്പാദ്യം.

ഇതാണ് 5 താരങ്ങൾ. ഇത്തവണത്തെ ബാലൺ ഡി’ഓർ പുരസ്കാരം ആരു നേടും? നിങ്ങളുടെ അഭിപ്രായങ്ങൾ പങ്കുവെക്കൂ.