റൊണാൾഡോയില്ല, യുവന്റസിന് വിജയവുമില്ല. പ്ലയെർ റേറ്റിംഗ് ഇങ്ങനെ !

ഇന്നലെ സിരി എയിൽ നടന്ന പോരാട്ടത്തിൽ യുവന്റസിന് സമനിലക്കുരുക്ക്. 1-1 എന്ന സ്കോറിനാണ് ബെനെവെന്റോ ഓൾഡ് ലേഡീസിനെ സമനിലയിൽ തളച്ചത്. മത്സരത്തിന്റെ 21-ആം മിനിറ്റിൽ അൽവാരോ മൊറാറ്റ യുവന്റസിന് ലീഡ് നേടികൊടുത്തിരുന്നു. ചിയേസയുടെ പാസ് സ്വീകരിച്ച് താരം തൊടുത്ത വിട്ട ഷോട്ട് ഗോളായി മാറുകയായിരുന്നു. എന്നാൽ ആദ്യ പകുതിയുടെ ഇഞ്ചുറി ടൈമിൽ ബെനെവെന്റോ ഗോൾ മടക്കി. ലെറ്റ്‌സിയയാണ് ബെനെവെന്റോക്ക്‌ സമനില നേടികൊടുത്തത്. സൂപ്പർ താരം ക്രിസ്റ്റ്യാനോ റൊണാൾഡോക്ക്‌ പിർലോ വിശ്രമം അനുവദിക്കുകയായിരുന്നു. അതിനാൽ തന്നെ യുവന്റസ് ഗോൾക്ഷാമം നേരിടുകയായിരുന്നു.അവസാനനിമിഷം മൊറാറ്റ റെഡ് കാർഡ് കണ്ടു പുറത്ത് പോയതും യുവന്റസിന് വിനയായി. ഇതോടെ പോയിന്റ് ടേബിളിൽ യുവന്റസ് അഞ്ചാം സ്ഥാനത്തേക്കിറങ്ങി. ഒമ്പത് മത്സരങ്ങളിൽ നിന്ന് പതിനേഴ് പോയിന്റാണ് യുവന്റസിന്റെ സമ്പാദ്യം. ഇരുപത് പോയിന്റുള്ള എസി മിലാനാണ് ഒന്നാം സ്ഥാനത്ത്. മത്സരത്തിലെ യുവന്റസിന്റെ പ്ലയെർ റേറ്റിംഗ് താഴെ നൽകുന്നു.

യുവന്റസ് : 6.71
മൊറാറ്റ : 6.2
ദിബാല : 7.1
റാംസി : 6.4
റാബിയോട്ട് : 7.1
ആർതർ : 6.8
ചിയേസ : 7.2
ഫ്രബോട്ട : 7.0
ഡാനിലോ : 7.4
ഡിലൈറ്റ് : 6.8
ക്വഡ്രോഡോ : 6.4
സെസ്നി : 6.6
ബെന്റാൻക്കർ : 6.1 -സബ്
കുലുസെവ്സ്ക്കി : 6.6-സബ്
ബെർണാഡ്ഷി : 6.3-സബ്