പിഎസ്ജിയുടെ സൂപ്പർ താരവുമായി യുവന്റസ് കരാറിലെത്തി?

പിഎസ്ജിയുടെ അർജന്റൈൻ സൂപ്പർ താരമായ എയ്ഞ്ചൽ ഡി മരിയ ക്ലബ്ബിനോട് വിടപറയാനുള്ള ഒരുക്കത്തിലാണ്. അടുത്തമാസമാണ് അദ്ദേഹത്തിന്റെ കരാർ അവസാനിക്കുക. ഈ കരാർ പുതുക്കാൻ പിഎസ്ജി താല്പര്യപ്പെടുന്നില്ല. അതുകൊണ്ടുതന്നെ ഡി മരിയ ക്ലബ് വിടുകയാണെന്ന് എന്നുള്ളത് ഉറപ്പായിട്ടുണ്ട്.

വേൾഡ് കപ്പ് വരാനുള്ളതുകൊണ്ട് യൂറോപ്പിൽ തന്നെ തുടരാനാണ് ഡി മരിയ ആഗ്രഹിക്കുന്നത്.ഇറ്റാലിയൻ വമ്പൻമാരായ യുവന്റസ് താരവുമായി എഗ്രിമെന്റിൽ എത്തിക്കഴിഞ്ഞു എന്നുള്ള റിപ്പോർട്ടുകളാണ് ഇപ്പോൾ പുറത്തേക്ക് വരുന്നത്. പ്രമുഖ ഇറ്റാലിയൻ മാധ്യമമായ കാൽസിയോ മെർക്കാറ്റോയാണ് ഇക്കാര്യം റിപ്പോർട്ട് ചെയ്തിട്ടുള്ളത്.

യുവന്റസിന്റെ പരിശീലകനായ അലെഗ്രിക്ക് വളരെയധികം താല്പര്യമുള്ള താരമാണ് ഡി മരിയ. ഒരു വർഷത്തെ കരാറിലായിരിക്കും താരം ഒപ്പ് വെക്കുക. ഒരു വർഷത്തേക്ക് കൂടി കരാർ നിർത്താനുള്ള ഓപ്ഷൻ കൂടിയുണ്ടാവും. എന്നാൽ സാലറിയുടെ കാര്യത്തിൽ ഇപ്പോഴും ധാരണയിൽ എത്തിയിട്ടില്ല എന്നാണ് അറിയാൻ കഴിയുന്നത്. 5 മില്യൺ യൂറോക്ക് മുകളിൽ നൽകാൻ യുവന്റസ് ഉദ്ദേശിക്കുന്നില്ല. ഏതായാലും താരം യുവന്റസിലെക്കാണ് എന്നുള്ളത് ഏറെക്കുറെ ഉറപ്പായിട്ടുണ്ട്.

കഴിഞ്ഞ ഏഴ് വർഷത്തിനിടെ 300 നടുത്ത് മത്സരങ്ങൾ പിഎസ്ജിക്ക് വേണ്ടി കളിച്ച താരമാണ് ഡി മരിയ.91 ഗോളുകളും 117 അസിസ്റ്റുകളുമാണ് താരത്തിന്റെ സമ്പാദ്യം.പിഎസ്ജിയുടെ ചരിത്രത്തിൽ ഏറ്റവും കൂടുതൽ അസിസ്റ്റുകൾ നേടിയ താരവും ഡി മരിയ തന്നെയാണ്.