ക്രിസ്റ്റ്യാനോ യുവന്റസ് വിടുമോ? താരത്തിന്റെ പാർട്ണർ പറയുന്നു!

സൂപ്പർ താരം ക്രിസ്റ്റ്യാനോ റൊണാൾഡോയെ ചുറ്റിപ്പറ്റി നിരവധി അഭ്യൂഹങ്ങൾ പ്രചരിക്കുന്നുണ്ട്. താരം യുവന്റസ് വിട്ട് മറ്റേതെങ്കിലും ക്ലബ്ബിലേക്ക് ചേക്കേറുമെന്ന രൂപത്തിൽ പല മാധ്യമങ്ങളും റിപ്പോർട്ടുകൾ പുറത്ത് വിട്ടിരുന്നു. ഇറ്റലിയിലെ ലക്ഷ്യങ്ങൾ നേടിയെന്നും എല്ലാവർക്കും നന്ദി അർപ്പിക്കുന്നു എന്നുമുള്ള ക്രിസ്റ്റ്യാനോയുടെ ഇൻസ്റ്റാഗ്രാം പോസ്റ്റ്‌ താരത്തിന്റെ വിടവാങ്ങൽ സന്ദേശമായി പലരും വ്യാഖ്യാനിച്ചിരുന്നു. കൂടാതെ താരത്തിന്റെ മുൻ ക്ലബുകളായ യുണൈറ്റഡിലേക്കോ സ്പോർട്ടിങ്ങിലേക്കോ ചേക്കേറിയേക്കുമെന്നും വാർത്തകൾ ഉണ്ടായിരുന്നു. എന്നാൽ ഈ വിഷയത്തിൽ തന്റെ പ്രതികരണം രേഖപ്പെടുത്തിയിരിക്കുകയാണ് ക്രിസ്റ്റ്യാനോ റൊണാൾഡോയുടെ പാർട്ണറായ ജോർജിനോ റോഡ്രിഗസ്.

ക്രിസ്റ്റ്യാനോ റൊണാൾഡോ യുവന്റസിൽ തന്നെ തുടരുമെന്നാണ് ഇവർ അറിയിച്ചിട്ടുള്ളത്. കഴിഞ്ഞ ദിവസം നെറ്റ്ഫ്ലിക്സിന്റെ ഡോക്യുസീരിസിൽ പങ്കെടുക്കാൻ വേണ്ടി ഇവർ സ്പെയിനിൽ എത്തിയിരുന്നു.ഇതിനിടെയാണ് ഒരു റിപ്പോർട്ടർ ക്രിസ്റ്റ്യാനോ ക്ലബ് വിടുമോ ഇല്ലയോ എന്ന് ചോദിച്ചത്. അദ്ദേഹം ക്ലബ്ബിൽ തന്നെ തുടരുമെന്നാണ് ജോർജിന അറിയിച്ചത്.ഇനി ഒരു വർഷം കൂടിയാണ് റൊണാൾഡോക്ക് യുവന്റസുമായി കരാറുള്ളത്. അല്ലെഗ്രി തിരിച്ചു വന്നത് യുവന്റസിന് ഗുണം ചെയ്യുമെന്നാണ് ആരാധകർ വിശ്വസിക്കുന്നത്.

https://www.instagram.com/p/CPdzfj2hcoK/?utm_source=ig_web_copy_link