സൂപ്പർ താരങ്ങൾ മിന്നി, വീണ്ടും തകർപ്പൻ വിജയം നേടി ടെൻ ഹാഗിന്റെ യുണൈറ്റഡ്!

പ്രീ സീസൺ സൗഹൃദ മത്സരത്തിൽ വമ്പൻമാരായ മാഞ്ചസ്റ്റർ യുണൈറ്റഡ് മിന്നും വിജയം. ഒന്നിനെതിരെ മൂന്നു ഗോളുകൾക്ക് ക്രിസ്റ്റൽ പാലസിനയാണ് യുണൈറ്റഡ് പരാജയപ്പെടുത്തിയത്. സൂപ്പർ താരങ്ങളായ മാർഷ്യൽ,റാഷ്ഫോർഡ്,സാഞ്ചോ എന്നിവർ ഒരിക്കൽ കൂടി തകർപ്പൻ പ്രകടനം പുറത്തെടുത്തതോടെയാണ് യുണൈറ്റഡ് വീണ്ടും മികച്ച വിജയം സ്വന്തമാക്കിയത്.

മത്സരത്തിന്റെ പതിനെട്ടാം മിനിറ്റിൽ ആന്റണി മാർഷ്യലാണ് യുണൈറ്റഡിന് ലീഡ് നേടിക്കൊടുത്തത്.തുടർച്ചയായ മൂന്നാം മത്സരത്തിലാണ് മാർഷ്യൽ ഗോൾ നേടുന്നത്.48-ആം മിനുട്ടിൽ റാഷ്ഫോർഡ് യുണൈറ്റഡിന്റെ ലീഡ് വർദ്ധിപ്പിച്ചു.59-ആം മിനുട്ടിൽ ജേഡൻ സാഞ്ചോ കൂടി ഗോൾ നേടിയതോടെ യുണൈറ്റഡ് വിജയം ഉറപ്പിക്കുകയായിരുന്നു.74-ആം മിനുട്ടിൽ വാർഡാണ് പാലസിന്റെ ആശ്വാസ ഗോൾ നേടിയത്.

ടീം എന്ന നിലയിൽ മികച്ച പ്രകടനമാണ് യുണൈറ്റഡ് പുറത്തെടുത്തത്.ടെൻ ഹാഗിന് തുടർച്ചയായ മൂന്നാം മത്സരത്തിലാണ് യുണൈറ്റഡ് വിജയം നേടുന്നത്. ആദ്യം മത്സരത്തിൽ എതിരില്ലാത്ത നാലു ഗോളുകൾക്ക് ലിവർപൂളിനെയും രണ്ടാം മത്സരത്തിൽ ഒന്നിനെതിരെ നാല് ഗോളുകൾക്ക് മെൽബൺ വിക്ടറിയെയും യുണൈറ്റഡ് പരാജയപ്പെടുത്തിയിരുന്നു.