സലാ ക്രിസ്റ്റ്യാനോയെ മാതൃകയാക്കണം: മുൻ ലിവർപൂൾ താരം!

തകർപ്പൻ പ്രകടനമാണ് ഈ സീസണിലും മുഹമ്മദ് സലാ ലിവർപൂളിന് വേണ്ടി നടത്തിക്കൊണ്ടിരിക്കുന്നത്. എല്ലാ കോമ്പറ്റീഷനിലുമായി 10 ഗോളുകളും 10 അസിസ്റ്റുകളും പൂർത്തിയാക്കാൻ സലാക്ക് കഴിഞ്ഞിട്ടുണ്ട്. അദ്ദേഹത്തിന്റെ മികവിൽ തന്നെയാണ് ലിവർപൂൾ കുതിച്ചു കൊണ്ടിരിക്കുന്നത്.ഇംഗ്ലീഷ് പ്രീമിയർ ലീഗിലും ചാമ്പ്യൻസ് ലീഗിലും ഇപ്പോൾ ഒന്നാം സ്ഥാനത്ത് തുടരുന്നത് ലിവർപൂൾ തന്നെയാണ്. 32 കാരനായ സലാ ദിവസം കൂടുന്തോറും തന്റെ മികവ് വർദ്ധിപ്പിച്ചു കൊണ്ടിരിക്കുകയാണ്.

ഒരുപാട് കാലം ഇതേ രൂപത്തിൽ കളിക്കാൻ വേണ്ടിയുള്ള ചില ഉപദേശങ്ങൾ മുൻ ലിവർപൂൾ താരമായിരുന്ന റേ ഹൂട്ടൻ സലാക്ക് നൽകിയിട്ടുണ്ട്.ക്രിസ്റ്റ്യാനോ റൊണാൾഡോയെ മാതൃകയാക്കാനാണ് അദ്ദേഹം പറഞ്ഞിട്ടുള്ളത്.ക്രിസ്റ്റ്യാനോ ഫിറ്റ്നസിന്റെ കാര്യത്തിൽ പിന്തുടർന്ന രീതി സലായും പിന്തുടരണം എന്നാണ് അദ്ദേഹത്തിന്റെ അഭിപ്രായം.ഹൂട്ടൻ ടോക് സ്പോർട്ടിനോട് പറഞ്ഞത് ഇങ്ങനെയാണ്.

“സലാക്ക് മുന്നിലുള്ള ഏറ്റവും മികച്ച ഉദാഹരണം ക്രിസ്റ്റ്യാനോ റൊണാൾഡോ തന്നെയാണ്.അദ്ദേഹത്തിന്റെ പ്രായം കണ്ടീഷൻ അദ്ദേഹം നിലനിർത്തിയത് എങ്ങനെയാണ് എന്നത് എല്ലാവർക്കും മാതൃകയാക്കാവുന്ന കാര്യമാണ്.മൈൻഡിന്റെ ആറ്റിറ്റ്യൂഡുമായി ബന്ധപ്പെട്ടതാണ് അത്.ശരിയായ രീതിയിൽ ജീവിക്കുന്നു എന്നതിന്റെ ഉദാഹരണമാണ് അത്.സലായും ആ കാറ്റഗറിയിൽ പെട്ട താരമാണ് എന്ന് ഞാൻ വിശ്വസിക്കുന്നു.ഒരുപാട് കാലം കളിക്കാനും ഗോളുകൾ നേടാനും അദ്ദേഹം ഇഷ്ടപ്പെടുന്നു.സലാ ഒരു ഓൾ റൗണ്ടറാണ്.ഗോളുകൾ നേടുന്നതിനോടൊപ്പം അസിസ്റ്റുകളും അദ്ദേഹം നൽകുന്നു.തന്റെ കളി ശൈലിയിൽ തന്നെ അദ്ദേഹം മാറ്റങ്ങൾ വരുത്തുന്നു. നിലവിൽ ഏറ്റവും മികച്ച സലായെയാണ് ലിവർപൂൾ കണ്ടുകൊണ്ടിരിക്കുന്നത് ” ഇതാണ് മുൻ ലിവർപൂൾ താരം പറഞ്ഞിട്ടുള്ളത്.

ക്ലബ്ബിനു വേണ്ടി 366 മത്സരങ്ങൾ കളിച്ച സല 221 ഗോളുകൾ നേടിയിട്ടുണ്ട്.ചാമ്പ്യൻസ് ലീഗ് ഉൾപ്പെടെയുള്ള കിരീടങ്ങളും സ്വന്തമാക്കിയിട്ടുണ്ട്.എന്നാൽ അദ്ദേഹത്തിന്റെ കോൺട്രാക്ട് അവസാനിക്കുകയാണ്.ഈ കരാർ പുതുക്കാനുള്ള യാതൊരുവിധ താൽപര്യങ്ങളും താരം ഇതുവരെ കാണിച്ചിട്ടില്ല.