റൊണാൾഡോ വന്നത് തങ്ങൾക്ക്‌ തിരിച്ചടിയെന്ന് യുണൈറ്റഡ് താരത്തിന്റെ ഏജന്റ്!

ഈ ട്രാൻസ്ഫർ ജാലകത്തിലായിരുന്നു ക്രിസ്റ്റ്യാനോ റൊണാൾഡോ യുവന്റസ് വിട്ടു കൊണ്ട് മാഞ്ചസ്റ്റർ യുണൈറ്റഡിൽ എത്തിയത്. താരം ഇതുവരെ യുണൈറ്റഡിന് വേണ്ടി അരങ്ങേറിയിട്ടില്ല. അതേസമയം ക്രിസ്റ്റ്യാനോ റൊണാൾഡോ മാഞ്ചസ്റ്റർ യുണൈറ്റഡിലേക്ക് തിരിച്ചു വന്നത് തങ്ങൾക്ക്‌ തിരിച്ചടിയാണ് എന്നുള്ള കാര്യം തുറന്ന് പറഞ്ഞിരിക്കുകയാണ് യുണൈറ്റഡ് താരമായ വാൻ ഡി ബീക്കിന്റെ ഏജന്റ്.വാൻ ഡി ബീക്കിന് അവസരങ്ങൾ ലഭിക്കാനുള്ള സാധ്യതകൾ ഒന്ന് കൂടെ കുറഞ്ഞു എന്നാണ് താരത്തിന്റെ ഏജന്റായ ഗിഡോ ആൽബെഴ്‌സ്. കഴിഞ്ഞ ദിവസം സിഗ്ഗോ സ്പോർട്സിനോട് സംസാരിക്കുകയായിരുന്നു അദ്ദേഹം.

“ക്രിസ്റ്റ്യാനോ റൊണാൾഡോ യുണൈറ്റഡിൽ തിരിച്ചെത്തിയത് ഞങ്ങളെ സംബന്ധിച്ചിടത്തോളം മോശം വാർത്തയാണ്.എന്തെന്നാൽ ഡോണിക്ക്‌ അവസരങ്ങൾ ലഭിക്കാനുള്ള സാധ്യതയാണ് കുറഞ്ഞത്.ഞങ്ങൾ സോൾഷ്യയറുമായും ബോർഡുമായും സംസാരിച്ചിരുന്നു.താരത്തെ എവെർട്ടണിൽ എത്തിക്കുന്നതുമായി ബന്ധപ്പെട്ടായിരുന്നു സംസാരിച്ചത്.എന്നാൽ അവർ തീരുമാനം കൈകൊണ്ടില്ല.തുടർന്ന് അദ്ദേഹത്തോട് പരിശീലനത്തിന് എത്താൻ ആവിശ്യപ്പെടുകയായിരുന്നു.ഡോണി ഇവിടെ എത്തിയത് പ്രീമിയർ ലീഗ് കളിക്കാൻ വേണ്ടിയാണ്.അദ്ദേഹം അതിന് പൂർണ്ണമായും സജ്ജമാണ് ” ഏജന്റ് പറഞ്ഞു.