റൊണാൾഡോക്ക് പകരം നെയ്മർ? യുണൈറ്റഡ് പരിഗണിച്ച് തുടങ്ങുന്നു!

സൂപ്പർ താരം ക്രിസ്റ്റ്യാനോ റൊണാൾഡോയുടെ ഭാവിയുടെ കാര്യത്തിൽ ഇതുവരെ ഒരു അന്തിമ തീരുമാനത്തിലെത്താൻ കഴിഞ്ഞിട്ടില്ല. മാഞ്ചസ്റ്റർ യുണൈറ്റഡ് വിടണമെന്നുള്ള നിലപാടിൽ തന്നെയാണ് നിലവിൽ റൊണാൾഡോയുള്ളത്. എന്നാൽ താരത്തെ കൈവിടാൻ യുണൈറ്റഡ് ഒരുക്കമല്ല.

പക്ഷേ താരത്തെ നഷ്ടമായാൽ അത് യുണൈറ്റഡിനെ സംബന്ധിച്ചിടത്തോളം വലിയ ഒരു തിരിച്ചടി തന്നെയായിരിക്കും. അതുകൊണ്ടുതന്നെ ക്ലബ്ബിന് മുന്നേറ്റ നിരയിലേക്ക് ഒരു താരത്തെ ആവശ്യമായി വരും. നിരവധി താരങ്ങളെ ഇപ്പോൾ ആ സ്ഥാനത്തേക്ക് മാഞ്ചസ്റ്റർ യുണൈറ്റഡ് പരിഗണിക്കുന്നുണ്ട്.സൂപ്പർ താരം നെയ്മർ ജൂനിയറേയും കൂട്ടത്തിൽ യുണൈറ്റഡ് പരിഗണിക്കുന്നുണ്ട്. പ്രമുഖ ഇംഗ്ലീഷ് മാധ്യമമായ ദി മിററാണ് ഇക്കാര്യം റിപ്പോർട്ട് ചെയ്തിട്ടുള്ളത്.ഇവരെ ഉദ്ധരിച്ചുകൊണ്ട് മാഞ്ചസ്റ്റർ ഈവനിംഗ് ന്യൂസും ഇത് റിപ്പോർട്ട് ചെയ്തിട്ടുണ്ട്.

നെയ്മറുടെ പിഎസ്ജിയിലെ ഭാവി ഇപ്പോഴും അനിശ്ചിതത്വത്തിലാണ്. ക്ലബ്ബിൽ തന്നെ തുടരാനാണ് നെയ്മർക്ക് താല്പര്യമെങ്കിലും പിഎസ്ജി അദ്ദേഹത്തെ ഒഴിവാക്കുന്ന സാധ്യതകളെ തള്ളിക്കളയാനാവില്ല.അത്തരത്തിലുള്ള ഒരു പ്രസ്താവന ഈയിടെ ക്ലബ്ബിന്റെ പരിശീലകനായ ഗാൾട്ടിയർ നടത്തുകയും ചെയ്തിരുന്നു. ഈയൊരു സാഹചര്യത്തിലാണ് റൊണാൾഡോക്ക് പകരമായി കൊണ്ട് നെയ്മറെ യുണൈറ്റഡ് പരിഗണിച്ചു തുടങ്ങിയത്.

നെയ്മറെ കൂടാതെ ബാഴ്സയുടെ ഡീപേ,ബ്രന്റ്ഫോർഡിന്റെ ഇവാൻ ടോണി,സ്റ്റുട്ട്ഗർട്ടിന്റെ സാസ,മൊണാക്കോയുടെ വിസാം ബെൻ യെഡർ എന്നിവരെയും മാഞ്ചസ്റ്റർ യുണൈറ്റഡ് പരിഗണിക്കുന്നുണ്ട്.പക്ഷേ നിലവിൽ റൊണാൾഡോയെ നിലനിർത്താൻ തന്നെയാണ് യുണൈറ്റഡ് ഏറ്റവും കൂടുതൽ ശ്രമിക്കുക. താരം ക്ലബ്ബ് വിട്ടാൽ മാത്രമായിരിക്കും ഇത്തരത്തിലുള്ള നീക്കങ്ങൾ യുണൈറ്റഡിന്റെ ഭാഗത്തു നിന്നുണ്ടാവുക.