യുണൈറ്റഡിന്റെ ട്രെയിനിങ് ഗ്രൗണ്ടിൽ പ്രത്യക്ഷപ്പെട്ട് സാഞ്ചോ, പ്രശ്നങ്ങൾ അവസാനിച്ചുവോ?

മാഞ്ചസ്റ്റർ യുണൈറ്റഡിന്റെ പരിശീലകനായ എറിക് ടെൻ ഹാഗും അവരുടെ സൂപ്പർതാരമായ ജേഡൻ സാഞ്ചോയും തമ്മിലുള്ള ബന്ധം ഇപ്പോൾ വഷളായിട്ടുണ്ട്.ടെൻ ഹാഗ് തന്നെ ബലിയാടാക്കുന്നു എന്ന ആരോപണം സാഞ്ചോ ഉന്നയിക്കുകയായിരുന്നു. ഇത് വലിയ വിവാദം സൃഷ്ടിച്ചു. മാപ്പ് പറയാതെ അദ്ദേഹത്തെ ടീമിൽ എടുക്കില്ല എന്ന നിലപാടിലാണ് ഇപ്പോൾ ടെൻ ഹാഗ് ഉള്ളത്.

എന്നാൽ സാഞ്ചോ ഇതുവരെ മാപ്പ് പറയാൻ തയ്യാറായിട്ടില്ല. നിലവിൽ മാഞ്ചസ്റ്റർ യുണൈറ്റഡ് ഫസ്റ്റ് ടീമിൽ നിന്നും സാഞ്ചോ വിലക്കിയിട്ടുണ്ട്. അതായത് അദ്ദേഹത്തിന് പരിശീലനം ചെയ്യണമെങ്കിൽ തനിച്ച് പരിശീലനം ചെയ്യേണ്ടിവരും. അതല്ല എങ്കിൽ അക്കാദമി താരങ്ങളോടൊപ്പം ചിലവഴിക്കേണ്ടി വന്നേക്കും.

ഏതായാലും ഈ പ്രശ്നങ്ങൾക്ക് ശേഷം ആദ്യമായി സാഞ്ചോ പ്രത്യക്ഷപ്പെട്ടിട്ടുണ്ട്. മാഞ്ചസ്റ്റർ യുണൈറ്റഡ് ട്രെയിനിങ് സെന്ററിൽ തന്നെയാണ് സാഞ്ചോ ഉള്ളത്. ഇതുമായി ബന്ധപ്പെട്ട ഒരു ഫോട്ടോ ഇൻസ്റ്റഗ്രാമിലൂടെ പുറത്തുവന്നിട്ടുണ്ട്.സാഞ്ചോ തനിച്ച് പരിശീലനം നടത്തി എന്നാണ് റൂമറുകൾ.യുണൈറ്റഡിന്റെ അണ്ടർ 18 ടീമിന്റെ പ്രകടനം വീക്ഷിക്കാൻ സാഞ്ചോ ഉണ്ടായിരുന്നുവെന്നും റിപ്പോർട്ടുകൾ സൂചിപ്പിക്കുന്നുണ്ട്.

എന്നാൽ സാഞ്ചോയും പരിശീലനം തമ്മിലുള്ള പ്രശ്നം ഇതുവരെ അവസാനിച്ചിട്ടില്ല.അദ്ദേഹത്തെ ടീമിലേക്ക് തിരികെ എടുത്തിട്ടുമില്ല. യുണൈറ്റഡ് വരുന്ന ചാമ്പ്യൻസ് ലീഗ് മത്സരത്തിൽ ഗലാറ്റസറെയെയാണ് നേരിടുക. ഈ മത്സരവും സാഞ്ചോക്ക് നഷ്ടമാകും. അതേസമയം ബ്രസീലിയൻ സൂപ്പർതാരമായ ആന്റണി സ്‌ക്വാഡിൽ തിരിച്ചെത്തിയിട്ടുണ്ട്.