പിഎസ്ജിയുടെ അർജന്റൈൻ സൂപ്പർ താരത്തെ സ്വന്തമാക്കണം,യുണൈറ്റഡ് നീക്കങ്ങൾ തുടങ്ങി!

മാഞ്ചസ്റ്റർ യുണൈറ്റഡിന്റെ പുതിയ പരിശീലകനായ എറിക്ക് ടെൻ ഹാഗ് ടീമിനെ ശക്തിപ്പെടുത്താനുള്ള ഒരുക്കത്തിലാണ്. നിരവധി താരങ്ങളെ ഇദ്ദേഹം ലക്ഷ്യം വെക്കുന്നുണ്ട്.ഡി യോങ്,ലിസാൻഡ്രോ,ആന്റണി എന്നിവരൊക്കെ അതിൽ പെട്ടവരാണ്.

ഇപ്പോഴിതാ പ്രമുഖ ഫ്രഞ്ച് മാധ്യമമായ ലെ എക്യുപെ ഇതുമായി ബന്ധപ്പെട്ട ഒരു റൂമർ പങ്കുവെച്ചിട്ടുണ്ട്. അതായത് പിഎസ്ജിയുടെ അർജന്റൈൻ സൂപ്പർതാരമായ ലിയാൻഡ്രോ പരേഡസിനെ ടീമിലെത്തിക്കാൻ യുണൈറ്റഡിന് താല്പര്യമുണ്ട്. ഇതുമായി ബന്ധപ്പെട്ട അന്വേഷണങ്ങൾ യുണൈറ്റഡ് നടത്തിയിട്ടുണ്ട്.

അതേസമയം താരത്തിന് വേണ്ടി പിഎസ്ജി 35 മില്യൺ യുറോയാണ് ആവശ്യപ്പെട്ടതെന്നും റിപ്പോർട്ടുകൾ സൂചിപ്പിക്കുന്നുണ്ട്. എന്നാൽ ഈയൊരു തുകക്ക് യുണൈറ്റഡ് താരത്തെ സ്വന്തമാക്കുമോ എന്നുള്ളത് സംശയകരമായ കാര്യമാണ്.

മധ്യനിരയിലെ സൂപ്പർതാരമായ പോൾ പോഗ്ബ ഈ ട്രാൻസ്ഫർ ജാലകത്തിൽ യുണൈറ്റഡ് വിട്ടിരുന്നു. അതുകൊണ്ടുതന്നെ മധ്യനിരയിലേക്ക് കൂടുതൽ മികച്ച താരങ്ങളെ യുണൈറ്റഡിന് ആവശ്യമുണ്ട്. നിലവിൽ ബാഴ്സ സൂപ്പർതാരമായ ഡി യോങ്ങിനെയാണ് യുണൈറ്റഡ് മധ്യനിരയിലേക്ക് ഏറ്റവും കൂടുതൽ ലക്ഷ്യം വെക്കുന്നത്.