നെയ്മർ യുണൈറ്റഡിൽ എത്തിയാൽ ക്രിസ്റ്റ്യാനോ സിരി എയിലേക്ക് ചേക്കേറും!

സൂപ്പർ താരങ്ങളായ ക്രിസ്റ്റ്യാനോ റൊണാൾഡോയും നെയ്മർ ജൂനിയറുമാണ് ഇപ്പോഴത്തെ ട്രാൻസ്ഫർ ജാലകത്തിലെ പ്രധാനപ്പെട്ട ഒരു ചർച്ചാവിഷയം.ഇരുവരും തങ്ങളുടെ ക്ലബ്ബുകൾ വിട്ടേക്കുമെന്നാണ് റൂമറുകൾ എല്ലാം തന്നെ സൂചിപ്പിക്കുന്നത്.എങ്ങോട്ട് എന്നുള്ളതാണ് ഇരുവരുടെയും കാര്യത്തിൽ ചർച്ച ചെയ്തുകൊണ്ടിരിക്കുന്ന വിഷയം.

ഇപ്പോഴിതാ പ്രമുഖ മാധ്യമമായ സ്കൈ സ്പോട്ട് ഇറ്റാലിയ ചില കാര്യങ്ങൾ പങ്കു വെച്ചിട്ടുണ്ട്.അതായത് നെയ്മർ ജൂനിയർ പിഎസ്ജി വിടാൻ തീരുമാനിച്ചു എന്നുള്ള കാര്യം ഫ്രഞ്ച് മാധ്യമങ്ങൾ റിപ്പോർട്ട് ചെയ്തിട്ടുണ്ട്. നെയ്മറെ താങ്ങാൻ കെൽപ്പുള്ള ക്ലബ്ബുകളിൽ ഒന്നാണ് മാഞ്ചസ്റ്റർ യുണൈറ്റഡ്. അതുകൊണ്ടുതന്നെ ഒരുപക്ഷേ മാഞ്ചസ്റ്റർ യുണൈറ്റഡ് താരത്തിന് വേണ്ടി നീക്കങ്ങൾ നടത്തിയേക്കും.

അങ്ങനെ നെയ്മർ യുണൈറ്റഡിൽ എത്തുകയാണെങ്കിൽ ക്രിസ്റ്റ്യാനോ റൊണാൾഡോ യുണൈറ്റഡ് വിടുമെന്നാണ് ഇവർ പറഞ്ഞു വെക്കുന്നത്. നിലവിൽ റൊണാൾഡോക്ക് ഹോസെ മൊറിഞ്ഞോയുടെ ക്ലബായ റോമയിലേക്ക് ചേക്കേറാൻ താല്പര്യമുണ്ട്. അദ്ദേഹത്തിന്റെ ഏജന്റ് റൊണാൾഡോയെ റോമക്ക് ഓഫർ ചെയ്തു എന്നുള്ള വാർത്തകൾ സജീവമായിരുന്നു.

നെയ്മർ യുണൈറ്റഡിൽ എത്തുകയാണെങ്കിൽ റൊണാൾഡോ റോമയിൽ എത്താൻ സാധ്യതകളേറെയാണ് എന്നാണ് സ്കൈ സ്പോർട്ടും ലാ ഗസറ്റ ഡെല്ലോ സ്പോർട്ടുമൊക്കെ പറഞ്ഞുവെക്കുന്നത്. പക്ഷേ നെയ്മർ ക്ക് വേണ്ടി യുണൈറ്റഡ് നീക്കങ്ങൾ നടത്തുമോ എന്നുള്ളത് ഇപ്പോഴും വലിയ ചോദ്യചിഹ്നമാണ്.താരത്തിന്റെ ഉയർന്ന സാലറിയും ട്രാൻസ്ഫർ ഫീയുമൊക്കെ യുണൈറ്റഡിന് തടസ്സങ്ങൾ സൃഷ്ടിച്ചേക്കും.