ടെന്നീസിലെ CR7 സെലിബ്രേഷൻ,ചെയ്യുന്നവർ ബുദ്ധി കുറഞ്ഞവരെന്ന് ടെന്നീസ് താരം!

സൂപ്പർ താരം ക്രിസ്റ്റ്യാനോ റൊണാൾഡോയുടെ ഗോൾ സെലിബ്രേഷൻ ലോകപ്രശസ്തമാണ്.ഗോൾനേടിയതിന് ശേഷം ഉയർന്നു ചാടി ‘Siiu’ എന്നാണ് ക്രിസ്റ്റ്യാനോ പറയാറുള്ളത്.Yes എന്നാണ് ഈ വാക്കിനർത്ഥം.പലരും ഈ സെലിബ്രേഷൻ അനുകരിക്കാറുമുണ്ട്.

എന്നാൽ ടെന്നീസ് ടൂർണമെന്റായ ഓസ്ട്രേലിയൻ ഓപ്പണിൽ ഒരു വിചിത്രമായ കാര്യം അരങ്ങേറിയിരുന്നു.അതായത് കാണികളിൽ പലരും തുടർച്ചയായി ‘Siiu ‘ എന്ന ശബ്ദം ഉണ്ടാക്കിയിരുന്നു.ഇതിനെതിരെ ടെന്നീസ് സൂപ്പർതാരമായ ആന്റി മുറെ രൂക്ഷമായി പ്രതികരിച്ചിരുന്നു.

ഇപ്പോഴിതാ മറ്റൊരു താരമായ ഡാനിൽ മെദ്വേദഫിന്റെ മത്സരത്തിനിടയിലും കാണികൾ ഈ ശബ്ദം തുടർച്ചയായി പുറപ്പെടുവിച്ചിരുന്നു.ഇതിനെതിരെ മെദ്വേദഫും രൂക്ഷമായി പ്രതികരിച്ചിരുന്നു. അതായത് ഈ ശബ്ദം ഉണ്ടാക്കുന്നവർ ബുദ്ധി കുറഞ്ഞവരാണ് എന്നാണ് ഇദ്ദേഹം പറഞ്ഞത്. മെദ്വേദഫിന്റെ വാക്കുകൾ ഇങ്ങനെയാണ്.

” എല്ലാ കാണികളും ആ ശബ്ദം ഉണ്ടാക്കുന്നില്ല.ചിലർ മാത്രമാണ് അത് ചെയ്യുന്നത്. ഒരുപക്ഷേ അവർ ബുദ്ധി കുറഞ്ഞവർ ആയിരിക്കാം. ഏതായാലും മത്സരത്തിൽ വിജയിക്കാൻ കഴിഞ്ഞതിൽ എനിക്ക് സന്തോഷമുണ്ട്. വലിയ ഒരു ജനക്കൂട്ടത്തിനിടയിൽ കളിക്കുക എന്നുള്ളത് എളുപ്പമുള്ള ഒരു കാര്യമല്ല ” ഇതാണ് മെദ്വേദഫ് പറഞ്ഞിട്ടുള്ളത്.

‘Siiu’ ചാന്റ് തനിക്ക് വലിയ രൂപത്തിലുള്ള ബുദ്ധിമുട്ട് ഉണ്ടാക്കിയിരുന്നു എന്നായിരുന്നു മുറെ പറഞ്ഞിരുന്നത്.കാണികൾ ഈയൊരു സെലിബ്രേഷൻ അനുകരിക്കാനുള്ള കാരണം ഇതുവരെ വ്യക്തമല്ല.പക്ഷെ ടെന്നീസ് ലോകത്തും ഇപ്പോൾ CR7ന്റെ സെലിബ്രേഷൻ വലിയ ചർച്ചാവിഷയമാണ്.