ഞാൻ ക്രിസ്റ്റ്യാനോയേക്കാൾ ഫേമസാണ് : ഹസ്ബുല്ല!

ഫുട്ബോൾ ലോകത്തെ ഏറ്റവും മികച്ച താരങ്ങളിൽ ഒരാളായ ക്രിസ്റ്റ്യാനോ റൊണാൾഡോ സോഷ്യൽ മീഡിയയിലും വലിയ സ്വാധീനമാണ് ചെലുത്താറുള്ളത്.ലോകത്ത് ഇൻസ്റ്റാഗ്രാമിൽ ഏറ്റവും കൂടുതൽ ഫോളോവേഴ്സുള്ള വ്യക്തി ക്രിസ്റ്റ്യാനോ റൊണാൾഡോയാണ്.423 മില്ല്യണാണ് റൊണാൾഡോയുടെ ഇൻസ്റ്റാഗ്രാം ഫോളോവേഴ്സ്.

എന്നാൽ ക്രിസ്റ്റ്യാനോ റൊണാൾഡോയേക്കാൾ ഫേമസാണ് താൻ എന്ന അവകാശവാദം ഉന്നയിച്ചുകൊണ്ട് രംഗത്ത് വന്നിരിക്കുകയാണിപ്പോൾ പ്രമുഖ സോഷ്യൽ മീഡിയ ഇൻഫ്ലുവൻസറായ ഹസ്ബുല്ല. മാത്രമല്ല അദ്ദേഹം ക്രിസ്റ്റ്യാനോയെ വിമർശിക്കുകയും ചെയ്തിട്ടുണ്ട്.കേവലം പാസ് മാത്രം നൽകാൻ അറിയുന്ന വ്യക്തിയാണ് ക്രിസ്റ്റ്യാനോ എന്നാണ് ഹസ്ബുല്ല പറഞ്ഞിട്ടുള്ളത്. അതേസമയം എർലിംഗ് ഹാലണ്ട്,UFC താരമായിരുന്ന ഖബീബ് എന്നിവരോടുള്ള ഇഷ്ടവും ഹസ്ബുല്ല പങ്കുവെച്ചിട്ടുണ്ട്.

ഹസ്ബുല്ലയുടെ പ്രധാന എതിരാളിയായ അബ്ദു റോസിക്കും ക്രിസ്റ്റ്യാനോ റൊണാൾഡോയും ഒരുമിച്ച് നിൽക്കുന്ന ഒരു ചിത്രം ഈയിടെ പുറത്തു വന്നിരുന്നു.ഇതിനെ പറ്റി ചോദിച്ചപ്പോഴാണ് ഇത്തരത്തിലുള്ള ഒരു പരാമർശം ഹസ്ബുല്ല നടത്തിയത്.രണ്ട് മില്യൺ ഫോളോവേഴ്സാണ് നിലവിൽ ഹസ്ബുല്ലക്ക് സോഷ്യൽ മീഡിയയിൽ ഉള്ളത്.

നിലവിൽ 19 വയസ്സുള്ള ഹസ്ബുല്ല റഷ്യയിലാണ് ജനിച്ചിട്ടുള്ളത്.എന്നാൽ അക്കോൻഡ്രോപ്ലാസിയ എന്ന രോഗം അദ്ദേഹത്തെ പിടികൂടുകയായിരുന്നു. അതുകൊണ്ടുതന്നെ വയസ്സ് എത്ര പിന്നിട്ടാലും ചെറിയ കുട്ടികളുടെ ശരീരമാണ് അദ്ദേഹത്തിന് ഉണ്ടാവുക.ഏതായാലും സോഷ്യൽ മീഡിയ ലോകത്ത് ഹസ്ബുല്ലയുടെ ഈ പരാമർശം വലിയ ചർച്ചയാണ്.