ഞങ്ങൾ ആരെയും പേടിക്കുന്നില്ല: ഇന്നത്തെ സൂപ്പർ പോരാട്ടത്തിന് മുന്നേ ബ്രൂണോ പറയുന്നു.

ഇന്ന് പ്രീമിയർ ലീഗിൽ നടക്കുന്ന ഇരുപതാം റൗണ്ട് പോരാട്ടത്തിൽ മാഞ്ചസ്റ്റർ ഡെർബിയാണ് ആരാധകരെ കാത്തിരിക്കുന്നത്. മാഞ്ചസ്റ്റർ സിറ്റിയും മാഞ്ചസ്റ്റർ യുണൈറ്റഡും തമ്മിലാണ് ഓൾഡ് ട്രഫോഡിൽ വെച്ച് ഏറ്റുമുട്ടുക.ഇന്ന് രാത്രി ഇന്ത്യൻ സമയം ആറുമണിക്കാണ് ഈ മത്സരം നടക്കുക.നിലവിൽ മികച്ച ഫോമിലൂടെയാണ് യുണൈറ്റഡ് കടന്നുപോയിക്കൊണ്ടിരിക്കുന്നത്.

ഏതായാലും ഈ മത്സരത്തിനു മുന്നേ യുണൈറ്റഡിന്റെ പോർച്ചുഗീസ് സൂപ്പർതാരമായ ബ്രൂണോ ഫെർണാണ്ടസ് ചില കാര്യങ്ങൾ പറഞ്ഞിട്ടുണ്ട്. അതായത് മാഞ്ചസ്റ്റർ യുണൈറ്റഡ് ആരെയും പേടിക്കുന്നില്ല എന്നാണ് ഇദ്ദേഹം വ്യക്തമാക്കിയിട്ടുള്ളത്. കഴിഞ്ഞ കാര്യങ്ങൾ ഒന്നും തന്നെ തങ്ങളെ അലട്ടുന്നില്ലെന്നും ബ്രൂണോ കൂട്ടിച്ചേർത്തു.അദ്ദേഹത്തിന്റെ വാക്കുകൾ ഇങ്ങനെയാണ്.

” പ്രീമിയർ ലീഗിലെ ഏറ്റവും മികച്ച ക്ലബ്ബുകളിൽ ഒന്നാണ് മാഞ്ചസ്റ്റർ സിറ്റി.പക്ഷേ ഞങ്ങൾ സ്വയം വിശ്വസിക്കുകയാണ് വേണ്ടത്. നിലവിൽ ഞങ്ങൾ നല്ല രൂപത്തിലാണ് മുന്നോട്ടുപോകുന്നത്.ഞങ്ങൾ ആരെയും ഇപ്പോൾ പേടിക്കുന്നില്ല.കഴിഞ്ഞ കാര്യങ്ങളൊന്നും തന്നെ ഞങ്ങൾ ഓർമ്മിക്കുന്നുമില്ല. ഈ മത്സരം ഞങ്ങളെ സംബന്ധിച്ചിടത്തോളം ഒരു നല്ല അവസരം തന്നെയാണ് ” ഇതാണ് യുണൈറ്റഡ് താരം പറഞ്ഞിട്ടുള്ളത്.

മറ്റുള്ള എതിരാളികളെക്കാൾ കൂടുതൽ തവണ പ്രീമിയർ ലീഗിൽ മാഞ്ചസ്റ്റർ യുണൈറ്റഡ് സ്വന്തം മൈതാനത്ത് പരാജയപ്പെട്ടിട്ടുള്ളത് മാഞ്ചസ്റ്റർ സിറ്റിക്കെതിരെ തന്നെയാണ്. എട്ടുതവണയാണ് യുണൈറ്റഡ് ഓൾഡ് ട്രഫോഡിൽ സിറ്റിയോട് പരാജയപ്പെട്ടിട്ടുള്ളത്.