ക്രിസ്റ്റ്യാനോയുടെ സ്പെഷ്യൽ ഗിഫ്റ്റ്,ആർക്കും തൊടാൻ പോലും സാധിച്ചിട്ടില്ലെന്ന് റാഷ്ഫോർഡ്!

2021ലെ സമ്മർ ട്രാൻസ്ഫർ ജാലകത്തിലായിരുന്നു സൂപ്പർ താരം ക്രിസ്റ്റ്യാനോ റൊണാൾഡോ മാഞ്ചസ്റ്റർ യുണൈറ്റഡ്ലേക്ക് തന്നെ തിരിച്ചു വന്നിരുന്നത്.ആദ്യ സീസണിൽ മികച്ച പ്രകടനം റൊണാൾഡോ നടത്തിയിരുന്നു.പക്ഷേ പിന്നീട് വിവാദങ്ങൾ കാരണം അദ്ദേഹത്തിന് ക്ലബ്ബ് വിടേണ്ടി വരുകയായിരുന്നു.നിലവിൽ സൗദി അറേബ്യൻ ക്ലബായ അൽ നസ്റിന് വേണ്ടിയാണ് റൊണാൾഡോ കളിച്ചുകൊണ്ടിരിക്കുന്നത്. തകർപ്പൻ പ്രകടനം അവിടെ റൊണാൾഡോ പുറത്തെടുക്കുന്നുണ്ട്.

ക്രിസ്റ്റ്യാനോ റൊണാൾഡോയുടെ കടുത്ത ആരാധകനാണ് മാർക്കസ് റാഷ്ഫോർഡ്.റൊണാൾഡോ കളിക്കാനുള്ള അവസരം ഇംഗ്ലീഷ് സൂപ്പർ താരത്തിന് ലഭിച്ചിട്ടുണ്ട്. 2018-ൽ റൊണാൾഡോയിൽ നിന്നും ഒരു സ്പെഷ്യൽ ഗിഫ്റ്റ് റാഷ്ഫോഡിന് ലഭിച്ചിരുന്നു.നൈക്കിന്റെ ഒരു ഷൂവായിരുന്നു റൊണാൾഡോ റാഷ്ഫോഡിന് നൽകിയിരുന്നത്.145 പൗണ്ട് ആണ് അതിന്റെ വിലയെങ്കിലും റാഷ്ഫോർഡിനെ സംബന്ധിച്ചിടത്തോളം അത് വിലമതിക്കാനാവാത്ത ഒന്നാണ്. ആ ഗിഫ്റ്റ് ആരെയും തൊടാൻ പോലും അനുവദിച്ചിട്ടില്ലെന്ന് റാഷ്ഫോർഡ് തന്നെ ഇപ്പോൾ തുറന്നു പറഞ്ഞിട്ടുണ്ട്.അദ്ദേഹത്തിന്റെ വാക്കുകൾ ഇങ്ങനെയാണ്.

” എന്റെ കുട്ടിക്കാലം തൊട്ട് ഞാൻ ഇഷ്ടപ്പെട്ടു പോരുന്ന ഒരു താരമാണ് ക്രിസ്റ്റ്യാനോ റൊണാൾഡോ. അദ്ദേഹം എനിക്ക് സമ്മാനിച്ച ഷൂ എനിക്ക് വളരെയധികം ഇഷ്ടപ്പെട്ട ഒന്നാണ്.അത് ധരിക്കാൻ ഞാൻ ആഗ്രഹിക്കാറുണ്ട്. പക്ഷേ ഞാൻ ധരിച്ചു കഴിഞ്ഞാൽ അതിനെ നശിപ്പിക്കുകയാണ് ചെയ്യുക. അതുകൊണ്ടുതന്നെ അത് സൂക്ഷിച്ചുവെക്കുന്നതാണ് നല്ലതെന്ന് ഞാൻ കരുതി. ആ ഗിഫ്റ്റ് ഞാൻ സൂക്ഷിച്ചു വച്ചിട്ടുണ്ട്.ആർക്കും തന്നെ അത് തൊടാൻ സാധിക്കില്ല. ആർക്കും തൊടാൻ നൽകിയിട്ടുമില്ല ” ഇതാണ് റാഷ്ഫോർഡ് പറഞ്ഞിട്ടുള്ളത്.

ഈ സീസൺ റാഷ്ഫോർഡിനെ സംബന്ധിച്ചിടത്തോളം വളരെ ബുദ്ധിമുട്ടേറിയ ഒന്നാണ്. പ്രീമിയർ ലീഗിൽ 11 മത്സരങ്ങൾ കളിച്ച അദ്ദേഹം കേവലം ഒരു ഗോളും ഒരു അസിസ്റ്റും മാത്രമാണ് നേടിയിട്ടുള്ളത്.എന്നാൽ റൊണാൾഡോ തകർപ്പൻ പ്രകടനമാണ് പുറത്തെടുക്കുന്നത്. 12 ലീഗ് മത്സരങ്ങളിൽ നിന്ന് 13 ഗോളുകളും 7 അസിസ്റ്റുകളും റൊണാൾഡോ ഈ സീസണിൽ നേടി കഴിഞ്ഞിട്ടുണ്ട്.