ക്രിസ്റ്റ്യാനോയുടെ റോൾ ഏറ്റെടുക്കാൻ ബെൻസിമക്ക് കഴിയും :റിയോ ഫെർഡിനാന്റ്!

ഈ സീസണിൽ മോശം പ്രകടനമാണ് മാഞ്ചസ്റ്റർ യുണൈറ്റഡ് നടത്തുന്നത്.ഒരുപാട് തോൽവികൾ ഇപ്പോൾ അവർക്ക് ഏറ്റുവാങ്ങേണ്ടി വന്നിട്ടുണ്ട്. കഴിഞ്ഞ സമ്മറിൽ അവർ സ്ട്രൈക്കർ പൊസിഷനിലേക്ക് കൊണ്ടുവന്ന ഹൊയ്ലുണ്ട് പ്രതീക്ഷിച്ച രൂപത്തിലുള്ള പ്രകടനം നടത്തുന്നില്ല. ഇംഗ്ലീഷ് പ്രീമിയർ ലീഗിൽ രണ്ടു ഗോളുകൾ മാത്രമാണ് അദ്ദേഹം നേടിയിട്ടുള്ളത്.ഒരു മികച്ച സ്ട്രൈക്കറുടെ അഭാവം അവരെ വല്ലാതെ ബുദ്ധിമുട്ടിക്കുന്നുണ്ട്.

ക്രിസ്റ്റ്യാനോ റൊണാൾഡോ പോയതിനുശേഷം സ്ട്രൈക്കർ പൊസിഷനിലേക്ക് ഒരു മികച്ച പകരക്കാരനെ കൊണ്ടുവരാൻ അവർക്ക് കഴിഞ്ഞിട്ടില്ല. സൂപ്പർ താരം കരിം ബെൻസിമയെ യുണൈറ്റഡ് സ്വന്തമാക്കിയേക്കും എന്നുള്ള റൂമറുകൾ ഒക്കെ ഇപ്പോൾ സജീവമാണ്. ഇപ്പോഴിതാ യുണൈറ്റഡ് ഇതിഹാസമായ റിയോ ഫെർഡിനാന്റ് ഇക്കാര്യത്തിലുള്ള തന്റെ അഭിപ്രായം പങ്കുവെച്ചിട്ടുണ്ട്.ക്രിസ്റ്റ്യാനോ റൊണാൾഡോയുടെ റോൾ യുണൈറ്റഡിൽ ഏറ്റെടുക്കാൻ ബെൻസിമക്ക് കഴിയും എന്നാണ് ഇദ്ദേഹം പറഞ്ഞിട്ടുള്ളത്. റിയോയുടെ വാക്കുകൾ ഇങ്ങനെയാണ്.

” നമ്മൾ ഒരുപാട് മികച്ച സ്ട്രൈക്കർമാരെ കൊണ്ടുവന്നിട്ടുണ്ട്.ക്രിസ്റ്റ്യാനോ റൊണാൾഡോ,കവാനി,ഫാൽക്കാവോ,സ്ലാറ്റൻ എന്നിവരൊക്കെ നമുക്ക് വേണ്ടി കളിച്ചവരാണ്.എന്തുകൊണ്ട് നമുക്ക് ബെൻസിമയെ കൊണ്ടുവന്നു കൂടാ. അദ്ദേഹത്തിന് തീർച്ചയായും ക്രിസ്റ്റ്യാനോ റൊണാൾഡോയുടെ റോൾ ഏറ്റെടുക്കാൻ സാധിക്കും. മാത്രമല്ല ഹൊയ്ലുണ്ടിന് അതൊരു സഹായകരമാവുകയും ചെയ്യും.ബെൻസിമയിൽ നിന്നും അദ്ദേഹത്തിന് കാര്യങ്ങൾ പഠിക്കാം.ഹൊയ്ലുണ്ടിന്റെ ഒരു മെന്റർ റോളിൽ ബെൻസിമക്ക് ഇവിടെ തുടരാം “ഇതാണ് റിയോ പറഞ്ഞിട്ടുള്ളത്.

നിലവിൽ സൗദി അറേബ്യൻ ക്ലബ് ആയ അൽ ഇത്തിഹാദിന് വേണ്ടിയാണ് ബെൻസിമ കളിച്ചുകൊണ്ടിരിക്കുന്നത്.എന്നാൽ അദ്ദേഹത്തിന് അവിടെ മോശം സമയമാണ്.ഈയിടെ സംഭവിച്ച അലംഭാവത്തെ തുടർന്ന് ദുബായ് ട്രിപ്പിൽ നിന്നും ക്ലബ്ബ് അദ്ദേഹത്തെ ഒഴിവാക്കുകയും ചെയ്തിരുന്നു.അതുകൊണ്ടുതന്നെ ബെൻസിമ ക്ലബ്ബ് വിട്ടേക്കും എന്നുള്ള റൂമറുകൾ സജീവമാണ്.