കിട്ടേണ്ടത് കിട്ടി…!അറസ്റ്റ്, ലീഡ്സ് ആരാധകനെ ലൈഫ് ടൈം ബാൻ ചെയ്തു!

ഇന്നലെ ഇംഗ്ലീഷ് പ്രീമിയർ ലീഗിൽ നടന്ന മത്സരത്തിൽ ലീഡ്സ് യുണൈറ്റഡും ന്യൂകാസിൽ യുണൈറ്റഡും തമ്മിലായിരുന്നു ഏറ്റുമുട്ടിയിരുന്നത്. രണ്ട് ടീമുകളും രണ്ടും ഗോളുകൾ വീതം നേടി കൊണ്ട് സമനിലയിൽ പിരിയുകയായിരുന്നു.സംഭവബഹുലം ആയിരുന്നു ഈ മത്സരം. മത്സരത്തിൽ ആകെ 3 പെനാൽറ്റികൾ പിറന്നു. മാത്രമല്ല ഒരു റെഡ് കാർഡും ഉണ്ടായിരുന്നു.

ന്യൂകാസിൽ യുണൈറ്റഡ് നേടിയ 2 ഗോളുകളും പെനാൽറ്റികളിൽ നിന്നാണ് പിറന്നത്. അതേസമയം ലീഡ്സ് യുണൈറ്റഡിന് ഒരു പെനാൽറ്റി ലഭിച്ചിരുന്നുവെങ്കിലും അത് പാഴാക്കുകയായിരുന്നു. മാത്രമല്ല ലീഡ്സ് താരമായ ജൂനിയർ ഫിർപോക്ക് റെഡ് കാർഡ് കണ്ട് പുറത്ത് പോവുകയും ചെയ്തു.

ഇതിന് പിന്നാലെ ഒരു ലീഡ്സ് ആരാധകൻ മൈതാനത്തേക്ക് അതിക്രമിച്ച് കയറുകയായിരുന്നു. മാത്രമല്ല ന്യൂകാസിൽ യുണൈറ്റഡ് പരിശീലകനായ എഡ്ഢി ഹോവിനെ അസഭ്യം പറയുകയും തള്ളിയിടുകയും ചെയ്തു. ഇതിന് പിന്നാലെ സുരക്ഷ ഉദ്യോഗസ്ഥർ അദ്ദേഹത്തെ അറസ്റ്റ് ചെയ്തു നോക്കിയിട്ടുണ്ട്.ലീഡ്‌സ് യുണൈറ്റഡ് ആരാധകന് തങ്ങളുടെ സ്റ്റേഡിയത്തിൽ നിന്ന് ലൈഫ് ടൈം ബാൻ നൽകുകയും ചെയ്തിട്ടുണ്ട്.

രൂക്ഷമായ രൂപത്തിലാണ് ഇതിനെതിരെ ഹോവ് പ്രതികരിച്ചിട്ടുള്ളത്. വ്യക്തിപരമായുള്ള അധിക്ഷേപമാണ് ആരാധകൻ നടത്തിയതെന്നും സുരക്ഷാ ഉദ്യോഗസ്ഥർ കൂടുതൽ ശ്രദ്ധ പാലിക്കേണ്ടിയിരുന്നുവെന്നും ന്യൂകാസിൽ പരിശീലകൻ ആരോപിച്ചു.നിലവിൽ ന്യൂകാസിൽ മൂന്നാം സ്ഥാനത്തും ലീഡ്‌സ് പതിനെട്ടാം സ്ഥാനത്തും ആണ് ഉള്ളത്.