ഓരോ ആഴ്ചയിലും റെക്കോർഡിടുന്നു,ക്രിസ്റ്റ്യാനോയുടെ ഗോളുകൾ എണ്ണുക പ്രയാസം : ബ്രുണോ ഫെർണാണ്ടസ്!

ഇന്നലെ പ്രീമിയർ ലീഗിൽ നടന്ന മത്സരത്തിൽ മാഞ്ചസ്റ്റർ യുണൈറ്റഡ് വിജയം നേടിയിരുന്നു. ഒന്നിനെതിരെ 2 ഗോളുകൾക്കാണ് യുണൈറ്റഡ് എവെർടണെ പരാജയപ്പെടുത്തിയത്. സൂപ്പർ താരങ്ങളായ ആന്റണി,ക്രിസ്റ്റ്യാനോ റൊണാൾഡോ എന്നിവരാണ് യുണൈറ്റഡിന് വേണ്ടി ഗോളുകൾ നേടിയത്.

ഏതായാലും ഈ ഗോളോടു കൂടി റൊണാൾഡോ ക്ലബ്ബ് കരിയറിൽ 700 ഗോളുകൾ നേടിയിരുന്നു.ഈ റെക്കോർഡിനെ കുറിച്ച് സഹതാരമായ ബ്രുണോ ഫെർണാണ്ടസ് ചില കാര്യങ്ങൾ പങ്കുവെച്ചിട്ടുണ്ട്. അതായത് ക്രിസ്റ്റ്യാനോ ഓരോ ആഴ്ചയിലും റെക്കോർഡുകൾ കരസ്ഥമാക്കുന്നുവെന്നും അദ്ദേഹത്തിന്റെ ഗോളുകൾ എണ്ണുക എന്നുള്ളത് പ്രയാസമുള്ള കാര്യമാണ് എന്നുമാണ് ബ്രുണോ പറഞ്ഞിട്ടുള്ളത്. അദ്ദേഹത്തിന്റെ വാക്കുകളെ ഗോൾ ഡോട്ട് കോം റിപ്പോർട്ട് ചെയ്യുന്നത് ഇങ്ങനെയാണ്.

” റൊണാൾഡോ നേടുന്ന ഗോളുകൾ ഇപ്പോഴും എണ്ണുക എന്നുള്ളത് ബുദ്ധിമുട്ടുള്ള ഒരു കാര്യമാണ്.എന്തെന്നാൽ അദ്ദേഹം ഓരോ ആഴ്ചയിലും ഓരോ റെക്കോർഡുകൾ നേടുകയാണ്. അദ്ദേഹത്തിന്റെ കാര്യത്തിൽ എനിക്ക് വളരെയധികം സന്തോഷമുണ്ട്. ഈ ഗോൾ കണ്ടെത്താൻ അദ്ദേഹം വളരെയധികം ഹാർഡ് വർക്ക് ചെയ്തിരുന്നു.ഒമോനിയക്കെതിരെയുള്ള മത്സരം അദ്ദേഹത്തിന് പ്രയാസമേറിയതായിരുന്നു.എന്തെന്നാൽ ഗോൾ നേടാൻ വേണ്ടി അദ്ദേഹം വളരെയധികം പരിശ്രമിച്ചിരുന്നു.പക്ഷേ ഗോൾകീപ്പർ മികച്ച സേവുകൾ നടത്തി. ഇപ്പോൾ അദ്ദേഹത്തിന് ഗോൾ നേടാനായി. മാത്രമല്ല ടീം വിജയിക്കുകയും ചെയ്തു.അതാണ് ഏറ്റവും പ്രധാനപ്പെട്ട കാര്യം. അദ്ദേഹം ഒരു സ്ട്രൈക്കറാണ്. എപ്പോഴും ഗോളുകൾ നേടാൻ അദ്ദേഹം ആഗ്രഹിക്കും ” ബ്രൂണോ ഫെർണാണ്ടസ് പറഞ്ഞു.

ഈ പ്രീമിയർ ലീഗിലെ ആദ്യത്തെ ഗോളാണ് കഴിഞ്ഞ ദിവസം റൊണാൾഡോ നേടിയിട്ടുള്ളത്. അതേസമയം 700 ക്ലബ്ബ് ഗോളുകൾ പൂർത്തിയാക്കിയപ്പോൾ അതിൽ 144 ഗോളുകളാണ് റൊണാൾഡോ യുണൈറ്റഡിനു വേണ്ടി നേടിയിട്ടുള്ളത്.