എമി മാർട്ടിനസിന് കൂട്ടായി മറ്റൊരു അർജന്റൈൻ സൂപ്പർ താരത്തെ എത്തിക്കാൻ ആസ്റ്റൻ വില്ല!

ഇംഗ്ലീഷ് പ്രീമിയർ ലീഗ് ക്ലബ്ബായ ആസ്റ്റൻ വില്ലക്ക് വേണ്ടിയാണ് അർജന്റൈൻ ഗോൾകീപ്പറായ എമിലിയാനോ മാർട്ടിനസ് കളിച്ചുകൊണ്ടിരിക്കുന്നത്. ഈ സീസണിലെ തുടക്കം തന്നെ ഈ ഗോൾകീപ്പർക്ക് പിഴച്ചിരുന്നു.ന്യൂകാസിലിനെതിരെയുള്ള മത്സരത്തിൽ അഞ്ച് ഗോളുകളായിരുന്നു ഇദ്ദേഹം വഴങ്ങിയിരുന്നത്. തുടർന്ന് അദ്ദേഹം ആരാധകരോട് ക്ഷമ ചോദിക്കുകയും ചെയ്തിരുന്നു.

ഏതായാലും ആസ്റ്റൻ വില്ലയുമായി ബന്ധപ്പെട്ട ഒരു റൂമർ ഇപ്പോൾ പുറത്തേക്ക് വന്നിട്ടുണ്ട്. അതായത് മറ്റൊരു അർജന്റൈൻ സൂപ്പർതാരമായ മാർക്കോസ് അക്യൂഞ്ഞയെ സ്വന്തമാക്കാൻ വില്ലക്ക് ഇപ്പോൾ താല്പര്യമുണ്ട്. പ്രമുഖ സ്പാനിഷ് ക്ലബ്ബായ സെവിയ്യക്ക് വേണ്ടിയാണ് അദ്ദേഹം കളിച്ചുകൊണ്ടിരിക്കുന്നത്. പ്രമുഖ ജേണലിസ്റ്റായ മാറ്റിയോ മൊറേറ്റോയാണ് ഇക്കാര്യം റിപ്പോർട്ട് ചെയ്തിരിക്കുന്നത്.

ലെഫ്റ്റ് ബാക്ക് പൊസിഷനിലാണ് ഈ താരം കളിക്കുന്നത്. താരത്തിന് വേണ്ടിയുള്ള ചർച്ചകൾ ഇപ്പോൾ ആരംഭിച്ചു കഴിഞ്ഞിട്ടുണ്ട്.ആസ്റ്റൻ വില്ലയും സെവിയ്യയും താരത്തിന്റെ പ്രതിനിധികളും എല്ലാം ഈ ചർച്ചയിൽ ഇൻവോൾവ്ഡാണ്.ട്രാൻസ്ഫർ വിന്റോ അടക്കാൻ ഇനി അധികം നാളുകൾ ഒന്നുമില്ല. എത്രയും പെട്ടെന്ന് താരത്തിന്റെ കാര്യത്തിൽ ഒരു ഫൈനൽ ഡിസിഷൻ ഉണ്ടായേക്കും.

2020ലായിരുന്നു സ്പോർട്ടിംഗ് സിപിയിൽ നിന്നും അക്യൂഞ്ഞ ഈ സ്പാനിഷ് ക്ലബ്ബിൽ എത്തിയത്. കഴിഞ്ഞ സീസണിൽ ക്ലബ്ബിനോടൊപ്പം യൂറോപ ലീഗ് കിരീടം നേടാൻ ഈ അർജന്റൈൻ താരത്തിന് സാധിച്ചിരുന്നു.എമിലിയാനോ മാർട്ടിനെസ്സിനെ കൂടാതെ മറ്റൊരു അർജന്റൈൻ താരമായ എമിലിയാനോ ബൂണ്ടിയയും ആസ്റ്റൻ വില്ലയുടെ താരമാണ്