ഇനിയും ഒരുപാട് കാലം ഈ ബുദ്ധിമുട്ട് തുടരും: അമോറിം

ഇന്നലെ ഇംഗ്ലീഷ് പ്രീമിയർ ലീഗിൽ നടന്ന മത്സരത്തിൽ മാഞ്ചസ്റ്റർ യുണൈറ്റഡിന് സമനില വഴങ്ങേണ്ടി വന്നിരുന്നു.ഇപ്സ് വിച്ച് ടൗണായിരുന്നു അവരെ സമനിലയിൽ തളച്ചത്. മത്സരത്തിന്റെ തുടക്കത്തിൽ തന്നെ യുണൈറ്റഡ് ലീഡ് നേടിയിരുന്നു. എന്നാൽ പിന്നീട് അവർ സമനില സ്വന്തമാക്കുകയായിരുന്നു. പുതിയ പരിശീലകനായ റൂബൻ അമോറിമിന് വിജയിച്ചു കൊണ്ട് തുടങ്ങാൻ സാധിക്കാത്തതിൽ ആരാധകർക്ക് നിരാശയുണ്ട്.

എന്നാൽ യുണൈറ്റഡിൽ പെട്ടെന്നൊരു മാറ്റം സാധ്യമല്ല എന്ന് അമോറിം തന്നെ തുറന്നു പറഞ്ഞിട്ടുണ്ട്.ഈ ബുദ്ധിമുട്ട് ഇനിയും ഒരുപാട് കാലം തുടരും എന്നാണ് അമോറിം പറഞ്ഞിട്ടുള്ളത്. മത്സരങ്ങൾ വിജയിക്കാൻ ശ്രമിക്കുമെന്നും അതിന് സമയം എടുക്കും എന്നും പരിശീലകൻ പറഞ്ഞിട്ടുണ്ട്.അദ്ദേഹത്തിന്റെ വാക്കുകൾ ഇങ്ങനെയാണ്.

‘ ഈ സമനില ആരാധകർക്ക് നിരാശ നൽകുന്നതാണ് എന്നുള്ള കാര്യം എനിക്കറിയാം.ഒരുപാട് മത്സരങ്ങൾ കളിക്കുമ്പോഴാണ് ഒരുപാട് മാറാൻ സാധിക്കുക.തീർച്ചയായും നമ്മൾ ഒരു നീണ്ട കാലം ഈ ബുദ്ധിമുട്ട് അനുഭവിക്കും.വിജയിക്കാൻ വേണ്ടി ഞങ്ങൾ ശ്രമിക്കും.പക്ഷേ അതിന് സമയമെടുക്കുക തന്നെ ചെയ്യും.ഞങ്ങൾക്ക് വിജയിക്കേണ്ടതുണ്ട്. ഇന്ന് ഒനാന ഇല്ലായിരുന്നുവെങ്കിൽ ഒരുപക്ഷേ തോൽക്കുമായിരുന്നു. പക്ഷേ രണ്ട് ദിവസങ്ങൾ മാത്രമാണ് ഈ താരങ്ങൾക്ക് ഒരുങ്ങാൻ സമയം ലഭിച്ചിട്ടുള്ളത് ” ഇതാണ് യുണൈറ്റഡ് പരിശീലകൻ പറഞ്ഞിട്ടുള്ളത്.

ഇനി യൂറോപ്പ ലീഗിലാണ് യുണൈറ്റഡ് അടുത്ത മത്സരം കളിക്കുക. അവസാനമായി കളിച്ച അഞ്ചു മത്സരങ്ങളിൽ പരാജയപ്പെടേണ്ടി വന്നിട്ടില്ല എന്നത് യുണൈറ്റഡിന് ആശ്വാസം നൽകുന്ന കാര്യമാണ്. പക്ഷേ നിലവിൽ യുണൈറ്റഡ് പോയിന്റ് പട്ടികയിൽ പന്ത്രണ്ടാം സ്ഥാനത്താണ്. 12 മത്സരങ്ങളിൽ നാലു വീതം വിജയവും സമനിലയും തോൽവിയുമാണ് യുണൈറ്റഡ് നേടിയിട്ടുള്ളത്.