അണിയറയിൽ ഒരുങ്ങുന്നത് CR7 2.0,പോസ്റ്റ് പങ്കുവെച്ച് ക്രിസ്റ്റ്യാനോ!

തന്റെ കഠിനാധ്വാനവും സമർപ്പണബോധവും കൊണ്ട് ഫുട്ബോൾ ലോകത്തിന്റെ നെറുകയിലേക്ക് വന്ന താരമാണ് ക്രിസ്റ്റ്യാനോ റൊണാൾഡോ എന്ന കാര്യത്തിൽ ആർക്കും സംശവുമുണ്ടാവില്ല.ഈ പ്രായത്തിലും തന്റെ ശാരീരികക്ഷമത വെച്ച് പുലർത്തുന്ന ക്രിസ്റ്റ്യാനോ പ്രകടനത്തിന്റെ കാര്യത്തിലും അത് പുലർത്താൻ ശ്രദ്ധിക്കാറുണ്ട്.എന്നാൽ തന്റെ കാര്യത്തിൽ മാത്രമല്ല,മറിച്ച് തന്റെ മകന്റെ കാര്യത്തിലും ക്രിസ്റ്റ്യാനോ അതീവശ്രദ്ദാലുവാണ്.

കഴിഞ്ഞദിവസം ക്രിസ്റ്റ്യാനോ റൊണാൾഡോ തന്റെ സോഷ്യൽ മീഡിയകളിൽ ഒരു ചിത്രം പങ്കുവെച്ചിരുന്നു.താരവും മകനായ റൊണാൾഡോ ജൂനിയറും ചേർന്ന് കൊണ്ട് പരിശീലനം നടത്തുന്ന ചിത്രമായിരുന്നു അത്.”Present and future ” എന്നാണ് ഇതിന്റെ ക്യാപ്ഷനായി കൊണ്ട് റൊണാൾഡോ നൽകിയിരിക്കുന്നത്.അതായത് വാർത്തമാനകാലത്തിൽ താനും ഭാവിയിൽ തന്റെ മകനും എന്നാണ് ക്രിസ്റ്റ്യാനോ റൊണാൾഡോ ഉദ്ദേശിച്ചിരിക്കുന്നത്.റൊണാൾഡോ ജൂനിയറിനെ ഒരു മികച്ച ഫുട്ബോളറാക്കാനുള്ള ശ്രമങ്ങളിലാണ് നിലവിൽ റൊണാൾഡോ.

ഈ പോസ്റ്റിന് താഴെ ആരാധകരെല്ലാം വലിയ ശുഭാപ്തി വിശ്വാസം പ്രകടിപ്പിച്ചിട്ടുണ്ട്.CR7 2.0 എന്നാണ് ചിലർ അഭിപ്രായപ്പെട്ടിരിക്കുന്നത്.അതായത് ക്രിസ്റ്റ്യാനോയുടെ പുതിയ വേർഷനായിരിക്കും മകൻ എന്നാണ് ഇവരുടെ അഭിപ്രായം.നിലവിൽ മാഞ്ചസ്റ്റർ യുണൈറ്റഡിന്റെ യൂത്ത് ടീമിനോടൊപ്പമാണ് ഈ പതിനൊന്നുകാരനായ താരമുള്ളത്. മുമ്പ് യുവന്റസിന്റെ യൂത്ത്‌ ടീമിലും റൊണാൾഡോ ജൂനിയർ കളിച്ചിട്ടുണ്ട്.

മകന്റെ കാര്യത്തിൽ ക്രിസ്റ്റിയാനോ നല്ലപോലെ ശ്രദ്ധിക്കാറുണ്ടെന്ന് വ്യക്തമാണ്.അവന് മൊബൈൽ ഫോൺ നൽകാറില്ല എന്നുള്ള കാര്യം ക്രിസ്റ്റ്യാനോ കഴിഞ്ഞ ദിവസം വെളിപ്പെടുത്തിയിരുന്നു. ഏതായാലും ഭാവിയിൽ ഒരു സൂപ്പർതാരമായി മാറാൻ റൊണാൾഡോ ജൂനിയറിന് കഴിയുമെന്നുള്ള പ്രതീക്ഷയിലാണ് റൊണാൾഡോയുടെ ആരാധകർ.