തകർപ്പൻ വീഡിയോയിലൂടെ മെസ്സിയെ ഒഫീഷ്യലായി പ്രഖ്യാപിച്ച് ഇന്റർ മിയാമി.

ലയണൽ മെസ്സി ഇനിമുതൽ ഔദ്യോഗികമായി ഇന്റർമിയാമിയുടെ താരമാണ്.ഇന്നലെയാണ് ഈ അമേരിക്കൻ ക്ലബ് മെസ്സിയെ ഒഫീഷ്യലായി കൊണ്ട് പ്രഖ്യാപിച്ചത്. വളരെ ആകർഷകമായ ഒരു വീഡിയോ മുഖാന്തരമാണ് മെസ്സി തങ്ങളുടെ താരമായതായി ഇന്റർ മിയാമി അറിയിച്ചത്. എല്ലാ പേപ്പർ വർക്കുകളും മെഡിക്കൽ പൂർത്തീകരിച്ചുകൊണ്ട് മെസ്സി ഒഫീഷ്യൽ കോൺട്രാക്ടിൽ ഒപ്പുവെച്ചുകഴിഞ്ഞു.

ലയണൽ മെസ്സിക്ക് വേണ്ടി ഈ സമ്മർ ട്രാൻസ്ഫർ ജാലകത്തിൽ ബാഴ്സലോണയും അൽ ഹിലാലും പരമാവധി ശ്രമിച്ചിരുന്നു. പക്ഷേ മെസ്സി അതെല്ലാം തള്ളിക്കളഞ്ഞു കൊണ്ട് ഇന്റർ മിയാമിയെ തിരഞ്ഞെടുക്കുകയായിരുന്നു. ഇന്റർ മിയാമിയിലേക്കാണ് താൻ പോകുന്നത് എന്നത് മെസ്സി തന്നെ നേരത്തെ പ്രസ് കോൺഫറൻസിൽ അറിയിച്ചിരുന്നു. പിന്നീട് ഹോളിഡേ കഴിഞ്ഞതിനുശേഷമാണ് മെസ്സി ഇന്റർ മിയാമിക്കൊപ്പം ചേർന്നിട്ടുള്ളത്.

മെസ്സിയുടെ പ്രസന്റേഷൻ ഇന്ന് നടക്കും എന്നാണ് പ്രതീക്ഷിക്കപ്പെടുന്നത്. ജൂലൈ 22 ആം തീയതി മെക്സിക്കൻ ക്ലബ്ബിനെതിരെ ഒരു മത്സരം ഇന്റർമിയാമി കളിക്കുന്നുണ്ട്.ആ മത്സരത്തിൽ മെസ്സിയുടെ അരങ്ങേറ്റം ഉണ്ടായേക്കും.അദ്ദേഹം സ്റ്റാർട്ട് ചെയ്യുമോ അതല്ല ഇനി സബ്സ്റ്റിറ്റ്യൂട്ട് റോളിൽ ആയിരിക്കുമോ എന്നുള്ളതാണ് അറിയേണ്ട കാര്യം.