സൂപ്പർ താരങ്ങൾ മിന്നി, ജയം തുടർന്ന് ഒന്നാമതായി പിഎസ്ജി!

ലീഗ് വണ്ണിൽ നടന്ന തങ്ങളുടെ രണ്ടാം മത്സരത്തിൽ പിഎസ്ജിക്ക്‌ തകർപ്പൻ ജയം. രണ്ടിനെതിരെ നാല് ഗോളുകൾക്ക്‌ സ്ട്രോസ്ബർഗിനെയാണ് പിഎസ്ജി തകർത്തു വിട്ടത്. ഒരു ഗോളും അസിസ്റ്റുമായി തിളങ്ങിയ കിലിയൻ എംബപ്പേയും ഡ്രാക്സ്ലറുമാണ് പിഎസ്ജിക്ക്‌ ജയം എളുപ്പമാക്കി കൊടുത്തത്. ഇകാർഡി,സറാബിയ എന്നിവർ ശേഷിച്ച ഗോളുകൾ സ്വന്തമാക്കി. രണ്ടാം ജയത്തോടെ ലീഗ് വണ്ണിൽ ഒന്നാം സ്ഥാനത്തെത്താനും പിഎസ്ജിക്ക്‌ ഇത്‌ വഴി സാധിച്ചു.

പുതുതായി ടീമിലേക്ക് എത്തിച്ച മെസ്സി, ഹാക്കിമി, റാമോസ്, വൈനാൾഡം, ഡോണ്ണരുമ എന്നിവരെ അവതരിപ്പിച്ച ശേഷമാണ് പിഎസ്ജി കളത്തിലേക്കിറങ്ങിയത്. സൂപ്പർ താരമായ നെയ്മർ ജൂനിയർ ടീമിൽ ഇല്ലായിരുന്നു.മത്സരത്തിന്റെ മൂന്നാം മിനുട്ടിൽ തന്നെ ഡയാലോയുടെ അസിസ്റ്റിൽ നിന്ന് ഇകാർഡി ലക്ഷ്യം കണ്ടു.പിന്നീട് 25-ആം മിനുട്ടിൽ ഡ്രാക്സ്ലറുടെ അസിസ്റ്റിൽ നിന്ന് എംബപ്പേ വല കുലുക്കി.രണ്ട് മിനുട്ടിന് ശേഷം ഡ്രാക്സ്ലറും ഗോൾ നേടിയതോടെ പിഎസ്ജിയുടെ ലീഡ് മൂന്നായി.എന്നാൽ പിന്നീട് സ്ട്രോസ്ബർഗ് തിരിച്ചടിക്കുകയായിരുന്നു.53-ആം മിനുട്ടിൽ കെവിനും 64-ആം മിനുട്ടിൽ ലുഡോവിച്ചും ഗോൾ നേടിയതോടെ സ്കോർ 3-2 ആയി.എന്നാൽ 86-ആം മിനുട്ടിൽ എംബപ്പേയുടെ അസിസ്റ്റിൽ നിന്ന് സറാബിയ ഗോൾ നേടിയതോടെ പിഎസ്ജി സുരക്ഷിതമാവുകയായിരുന്നു.