സൂപ്പർ താരങ്ങൾ ഉണ്ടാവില്ല, മെഡിക്കൽ റിപ്പോർട്ട്‌ പുറത്ത് വിട്ട് പിഎസ്ജി!

ഇന്ന് ലീഗ് വണ്ണിൽ നടക്കുന്ന മത്സരത്തിൽ വമ്പൻമാരായ പിഎസ്ജി കളത്തിലേക്കിറങ്ങുന്നുണ്ട്. നിലവിലെ ചാമ്പ്യൻമാരായ ലില്ലിയാണ് പിഎസ്ജിയുടെ എതിരാളികൾ.ഇന്ന് രാത്രി ഇന്ത്യൻ സമയം 12:30-ന് പിഎസ്ജിയുടെ മൈതാനത്ത് വെച്ചാണ് മത്സരം അരങ്ങേറുക.

ഇതിന് മുന്നോടിയായുള്ള മെഡിക്കൽ റിപ്പോർട്ട്‌ പിഎസ്ജി പുറത്ത് വിട്ടിട്ടുണ്ട്. സൂപ്പർ താരങ്ങളായ കിലിയൻ എംബപ്പേ,മാർക്കോ വെറാറ്റി, സെർജിയോ റാമോസ്,ലിയാൻഡ്രോ പരേഡസ് എന്നിവർക്കൊക്കെ മത്സരം നഷ്ടമായേക്കും.

കിലിയൻ എംബപ്പേ – ENT അണുബാധയുമായി ബന്ധപ്പെട്ട് കൊണ്ടുള്ള ചികിത്സ ഇപ്പോഴും തുടരുകയാണ്. അടുത്ത ആഴ്ചയുടെ തുടക്കത്തിൽ താരം പരിശീലനം ആരംഭിച്ചേക്കും.

മാർക്കോ വെറാറ്റി – താരത്തിന്റെ ഇടുപ്പിനാണ് പരിക്കേറ്റിരിക്കുന്നത്. നാല് ആഴ്ച്ചയോളം താരം പുറത്തിരിക്കേണ്ടി വരുമെന്നാണ് റിപ്പോർട്ട്‌ സൂചിപ്പിക്കുന്നത്

സെർജിയോ റാമോസ് – താരം ഇപ്പോഴും പരിക്കിൽ നിന്നും മുക്തനായിട്ടില്ല.ആ പ്രക്രിയ നടന്നു കൊണ്ടിരിക്കുന്നു. അടുത്ത ആഴ്ച്ച മുതൽ സ്‌ക്വാഡിനോടൊപ്പം പരിശീലനം നടത്താൻ റാമോസിന് കഴിയുമെന്നാണ് പിഎസ്ജി പ്രതീക്ഷിക്കുന്നത്.

ലിയാൻഡ്രോ പരേഡസ് – അടുത്ത ഇന്റർനാഷണൽ ബ്രേക്കിന് ശേഷമാണ് താരത്തെ പിഎസ്ജി പ്രതീക്ഷിക്കുന്നത്.