വീണ്ടും അവസാന നിമിഷം വിജയിച്ചു കയറി പിഎസ്ജി!

ഇന്നലെ ലീഗ് വണ്ണിൽ നടന്ന ഏഴാം റൗണ്ട് പോരാട്ടത്തിൽ പിഎസ്ജിക്ക്‌ വിജയം. ഒന്നിനെതിരെ രണ്ട് ഗോളുകൾക്കാണ് പിഎസ്ജി മെറ്റ്സിനെ പരാജയപ്പെടുത്തിയത്. ഇരട്ട ഗോളുകൾ നേടിയ അഷ്‌റഫ്‌ ഹക്കീമിയാണ് പിഎസ്ജിക്ക്‌ ജയം സമ്മാനിച്ചത്. കഴിഞ്ഞ ലിയോണിനെതിരെയുള്ള മത്സരത്തിൽ വിജയിച്ചു കയറിയത് പോലെ തന്നെ അവസാന നിമിഷങ്ങളിലെ ഗോളിലാണ് ഇത്തവണയും പിഎസ്ജി ജയം സ്വന്തമാക്കിയത്.ഇതോടെ 7 മത്സരങ്ങളിൽ ഏഴും വിജയിച്ച പിഎസ്ജി 21 പോയിന്റോടെ ടേബിളിൽ മുന്നിലാണ്.

മെസ്സിയുടെ അഭാവത്തിൽ മൗറോ ഇകാർഡിയായിരുന്നു മുന്നേറ്റത്തിൽ ഇടം നേടിയിരുന്നത്.മത്സരത്തിന്റെ അഞ്ചാം മിനുട്ടിൽ തന്നെ പിഎസ്ജിക്ക്‌ ഹക്കീമി ലീഡ് നേടികൊടുത്തു.എന്നാൽ 39-ആം മിനുട്ടിൽ കികി മെറ്റ്സിന് സമനില ഗോൾ നേടികൊടുക്കുകയായിരുന്നു. ഒടുക്കം സമനില ഗോൾ നേടാൻ 95-ആം മിനുട്ട് വരെ കാത്തിരിക്കേണ്ടി വന്നു.നെയ്മറുടെ അസിസ്റ്റിൽ നിന്ന് ഹക്കീമിയാണ് വിജയഗോൾ നേടിയത്.ഇനി മോന്റ്പെല്ലിയറിനെയാണ് പിഎസ്ജിക്ക്‌ നേരിടാനുള്ളത്.