മെസ്സി- നെയ്മർ- എംബപ്പേ കൂട്ടുകെട്ട് ഇന്നുണ്ടാവുമോ? ലിയോണിനെതിരെ പിഎസ്ജിയുടെ സാധ്യത ഇലവൻ!

ലീഗ് വണ്ണിൽ ഇന്ന് നടക്കുന്ന മത്സരത്തിൽ പിഎസ്ജി ഇറങ്ങുന്നുണ്ട്. എട്ടാം റൗണ്ട് പോരാട്ടത്തിൽ പിഎസ്ജിയുടെ എതിരാളികൾ ലിയോണാണ്. ഇന്ന് രാത്രി ഇന്ത്യൻ സമയം 12:15 ന് ലിയോണിന്റെ മൈതാനത്ത് വെച്ചാണ് ഈ ഒരു മത്സരം നടക്കുക.

നിലവിൽ മിന്നുന്ന പ്രകടനമാണ് പിഎസ്ജി ഈ സീസണിൽ കാഴ്ച വെക്കുന്നത്. ഒരൊറ്റ മത്സരത്തിൽ പോലും ഈ സീസണിൽ ക്ലബ്ബ് പരാജയം അറിഞ്ഞിട്ടില്ല. ആ അപരാജിത കുതിപ്പ് തുടരാൻ വേണ്ടിയാവും ഇന്നും പിഎസ്ജി ഇറങ്ങുക.എന്നാൽ അവസാനമായി കളിച്ച രണ്ട് മത്സരങ്ങളും പരാജയപ്പെട്ടുകൊണ്ടാണ് ലിയോൺ വരുന്നത്.

നേരത്തെ MNM ട്രിയോയിലെ ആരെങ്കിലും ഇന്ന് പുറത്തിരിക്കേണ്ടി വരുമെന്നുള്ള റിപ്പോർട്ടുകൾ ഉണ്ടായിരുന്നു.പക്ഷേ മൂന്നുപേരും ഈ മത്സരത്തിനു വേണ്ടി തയ്യാറെടുത്തു കഴിഞ്ഞു എന്നുള്ള കാര്യം പിഎസ്ജി പരിശീലകൻ തുറന്നു പറഞ്ഞിട്ടുണ്ട്. അതുകൊണ്ടുതന്നെ ഇന്നത്തെ മത്സരത്തിൽ മെസ്സിയും നെയ്മറും എംബപ്പേയും ഇറങ്ങുമെന്നാണ് പ്രതീക്ഷിക്കപ്പെടുന്നത്.

പ്രമുഖ മാധ്യമമായ TYC സ്പോർട്സ് ഒരു സാധ്യത ഇലവൻ നൽകിയിട്ടുണ്ട്.നമുക്ക് അതൊന്ന് പരിശോധിക്കാം.

Donnarumma; Ramos, Marquinhos, Pereira; Hakimi, Verratti, Ruiz, Bernat; Messi, Neymar, Mbappe

കഴിഞ്ഞ മത്സരത്തിൽ മുന്നേറ്റ നിരയിലെ മൂന്ന് താരങ്ങളും ക്ലബ്ബിന് വേണ്ടി ഗോൾ നേടിയിരുന്നു.അത്തരത്തിലുള്ള ഒരു പ്രകടനമാണ് ഈ മത്സരത്തിലും പിഎസ്ജി പ്രതീക്ഷിക്കുന്നത്.