പ്രീമിയർ ലീഗിലെ മിന്നും സ്ട്രൈക്കറെ സ്വന്തമാക്കാൻ പിഎസ്ജി!

വരുന്ന സമ്മർ ട്രാൻസ്ഫർ വിൻഡോയിൽ സൂപ്പർ താരം ലയണൽ മെസ്സി പിഎസ്ജി വിടാനുള്ള സാധ്യതകൾ ഏറെയാണ്. അതുകൊണ്ടുതന്നെ മെസ്സിയുടെ പകരമായി കൊണ്ട് മുന്നേറ്റ നിരയിലേക്ക് ഒരു മികച്ച സ്ട്രൈക്കറെ പിഎസ്ജിക്ക് ആവശ്യമുണ്ട്. ഒരുപാട് താരങ്ങളെ പിഎസ്ജി സ്ഥാനത്തേക്ക് പരിഗണിക്കുന്നുമുണ്ട്.

ക്ലബ്ബിന്റെ സ്പോർട്ടിംഗ് അഡ്വൈസർ ആയ ലൂയിസ് കാമ്പോസ് ഏറ്റവും പുതുതായി പരിഗണിക്കുന്ന താരം ടോട്ടൻഹാമിന്റെ ഇംഗ്ലീഷ് സൂപ്പർ സ്ട്രൈക്കർ ആയ ഹാരി കെയ്നാണ്. അദ്ദേഹത്തിന് ക്ലബ്ബുമായി ഒരു വർഷത്തെ കോൺട്രാക്ട് ആണ് അവശേഷിക്കുന്നത്.താരം ഇപ്പോൾ ക്ലബ്ബ് വിടാൻ ആലോചിക്കുന്നുണ്ട്.

പ്രീമിയർ ലീഗ് വമ്പൻമാരായ മാഞ്ചസ്റ്റർ യുണൈറ്റഡ്,ജർമ്മൻ വമ്പൻമാരായ ബയേൺ മ്യൂണിക്ക് എന്നിവരൊക്കെ ഈ താരത്തെ ഇപ്പോൾ പരിഗണിക്കുന്നുണ്ട്.ഹാരി കെയ്ൻ പ്രീമിയർ ലീഗിൽ തന്നെ തുടരാൻ തീരുമാനിക്കുമോ അതല്ല ഇംഗ്ലണ്ട് വിടാൻ തയ്യാറാകുമോ എന്നുള്ളതൊക്കെ അവ്യക്തമാണ്. എന്നിരുന്നാലും 100 മില്യൻ യൂറോ താരത്തിന് വേണ്ടി ഈ ക്ലബ്ബുകൾ ചിലവഴിക്കേണ്ടി വന്നേക്കും.

ഈ പ്രീമിയർ ലീഗിലും മികച്ച പ്രകടനം നടത്താൻ സൂപ്പർതാരത്തിന് സാധിക്കുന്നുണ്ട്. 23 ഗോളുകളും രണ്ട് അസിസ്റ്റുകളും അദ്ദേഹം കരസ്ഥമാക്കിയിട്ടുണ്ട്.ഹാരി കെയ്നിനെ കൂടാതെ വിക്ടർ ഒസിംഹെൻ, റൊമേലു ലുക്കാക്കൂ,മാർക്കസ് തുറാം,കോലോ മുവാനി തുടങ്ങിയ സ്ട്രൈക്കർമാരെയൊക്കെ പിഎസ്ജി ഇപ്പോൾ പരിഗണിക്കുന്നുണ്ട്.