തകർപ്പൻ പ്രകടനം, നാന്നൂറിന്റെ തിളക്കത്തിൽ നെയ്മർ!

ഇന്നലെ ലീഗ് വണ്ണിൽ നടന്ന മത്സരത്തിൽ രണ്ടിനെതിരെ മൂന്ന് ഗോളുകൾക്കായിരുന്നു പിഎസ്ജി ബോർഡെക്സിനെ പരാജയപ്പെടുത്തിയത്. മത്സരത്തിൽ ഇരട്ട ഗോളുകൾ നേടിക്കൊണ്ട് തകർപ്പൻ പ്രകടനമായിരുന്നു നെയ്മർ പുറത്തെടുത്തത്.രണ്ട് ഗോളുകൾക്കും അസിസ്റ്റ് നൽകിയത് കിലിയൻ എംബപ്പേയായിരുന്നു.93 ടച്ചുകളാണ് നെയ്മർ മത്സരത്തിൽ നടത്തിയത്.ലക്ഷ്യത്തിലേക്ക് മൂന്ന് ഷോട്ടുകൾ തൊടുത്തു.നാല് കീ പാസുകളും അഞ്ച് ഡ്രിബിളുകളും നെയ്മർ മത്സരത്തിൽ പൂർത്തിയാക്കിയിരുന്നു.

ഈ ഇരട്ടഗോളോടെ കരിയറിൽ നാന്നൂറ് ഗോളുകൾ പൂർത്തിയാക്കാനും നെയ്മർക്ക്‌ സാധിച്ചു.സാന്റോസ്, ബാഴ്സലോണ, പിഎസ്ജി, ബ്രസീൽ എന്നിവർക്ക്‌ വേണ്ടിയാണ് നെയ്മർ സീനിയർ കരിയറിൽ ഗോൾ നേടിയിട്ടുള്ളത്.

അതേസമയം ഇന്നലെ നെയ്മർ നേടിയ ആദ്യഗോൾ ബ്രസീലിയൻ ഗായകിയായിരുന്ന മരിലിയ മെന്റോൻക്കക്ക്‌ സമർപ്പിക്കുകയായിരുന്നു.26-വയസുകാരിയായിരുന്ന മരിലിയ ഈയിടെ നടന്ന ഒരു വിമാനാപകടത്തിൽ ലോകത്തോട് വിടപറയുകയായിരുന്നു. അവർക്കാണ് നെയ്മർ ജൂനിയർ തന്റെ ഗോൾ സമർപ്പിച്ചത്.