ഡെമ്പലെ ഒരു ചീറ്റ് കോഡ്: എൻറിക്കെ

ലീഗ് വണ്ണിൽ നടന്ന കഴിഞ്ഞ മത്സരത്തിൽ തകർപ്പൻ വിജയം സ്വന്തമാക്കാൻ പിഎസ്ജിക്ക് സാധിച്ചിരുന്നു. രണ്ടിനെതിരെ അഞ്ചു ഗോളുകൾക്കായിരുന്നു പിഎസ്ജി മത്സരത്തിൽ മൊണാക്കോയെ പരാജയപ്പെടുത്തിയിരുന്നത്. മത്സരത്തിൽ ഗോൾ നേടാൻ സൂപ്പർ താരം ഡെമ്പലെക്ക് സാധിച്ചിരുന്നു. ക്ലബ്ബിന് വേണ്ടി അദ്ദേഹം നേടുന്ന ആദ്യത്തെ ഗോളായിരുന്നു അത്.16 മത്സരങ്ങൾ അദ്ദേഹം പൂർത്തിയാക്കിയിരുന്നു.

ഏതായാലും താരത്തെ പ്രശംസിച്ചുകൊണ്ട് പിഎസ്ജിയുടെ പരിശീലകനായ ലൂയിസ് എൻറിക്കെ ഇപ്പോൾ രംഗത്ത് വന്നിട്ടുണ്ട്. ഗെയിമുകളിൽ ഉപയോഗിക്കുന്ന പോലെയുള്ള ഒരു ചീറ്റ് കോഡാണ് ഡെമ്പലെ എന്നാണ് ഈ പരിശീലകൻ പറഞ്ഞിട്ടുള്ളത്. ലോകത്തിലെ ഏറ്റവും വലിയ ഗെയിം ചേഞ്ചർ ഡെമ്പലെയാണെന്നും എൻറിക്കെ കൂട്ടിച്ചേർത്തു. അദ്ദേഹത്തിന്റെ വാക്കുകളെ ഗോൾ ഡോട്ട് കോം റിപ്പോർട്ട് ചെയ്യുന്നത് ഇങ്ങനെയാണ്.

” ബാഴ്സലോണയിൽ ഉണ്ടായിരുന്നതിൽ നിന്നും വ്യത്യസ്തമായി കൊണ്ടാണ് അദ്ദേഹം ഇപ്പോൾ ഇവിടെ കളിക്കുന്നത്. കാരണം എല്ലായിടത്തും അദ്ദേഹത്തിന് കളിക്കാനുള്ള ഒരു സ്വാതന്ത്ര്യം ഞങ്ങൾ ഇവിടെ നൽകുന്നു.എല്ലാവരും അദ്ദേഹം ഗോളുകൾ നേടാത്തതിനെ പറ്റി ആശങ്കപ്പെട്ടിരുന്നു.പക്ഷേ അദ്ദേഹത്തിന്റെ പ്രകടനം മികച്ചതായിരുന്നു.മറ്റുള്ള രണ്ട് മുന്നേറ്റ നിര താരങ്ങൾക്ക് സ്‌പേസുകൾ ഒരുക്കാൻ ഡെമ്പലെക്ക് പലപ്പോഴും സാധിക്കുന്നുണ്ട്.അദ്ദേഹത്തിന്റെ കാര്യത്തിൽ എനിക്ക് യാതൊരുവിധ സംശയങ്ങളും ഉണ്ടായിരുന്നില്ല.ലോകത്തിലെ ഏറ്റവും വലിയ ഗെയിം ചേഞ്ചർ അദ്ദേഹമാണ്.ഡെമ്പലെ ഒരു ചീറ്റ് കോഡ് പോലെയാണ് ” ഇതാണ് എൻറിക്കെ പറഞ്ഞിട്ടുള്ളത്.

പിഎസ്ജി ഇപ്പോൾ മികച്ച രൂപത്തിലേക്ക് മാറിക്കൊണ്ടിരിക്കുകയാണ്. സ്വന്തം മൈതാനത്ത് അവസാനമായി കളിച്ച ആറു മത്സരങ്ങളിലും വിജയിക്കാൻ ക്ലബ്ബിന് കഴിഞ്ഞിട്ടുണ്ട്. അതിൽ നിന്ന് ആകെ 20 ഗോളുകൾ പിഎസ്ജി സ്വന്തമാക്കിയിട്ടുണ്ട്. ഇനി ഇന്ന് ചാമ്പ്യൻസ് ലീഗിൽ നടക്കുന്ന മത്സരത്തിൽ പ്രീമിയർ ലീഗ് ക്ലബ്ബായ ന്യൂകാസിൽ യുണൈറ്റഡ് ആണ് പിഎസ്ജിയുടെ എതിരാളികൾ.