ഗോളും അസിസ്റ്റുമായി നെയ്മർ, പിഎസ്ജിക്ക് ഉജ്ജ്വലവിജയം!

ലീഗ് വണ്ണിൽ ഇന്നലെ നടന്ന മത്സരത്തിൽ നിലവിലെ ചാമ്പ്യൻമാരായ പിഎസ്ജിക്ക് വിജയം.എതിരില്ലാത്ത നാല് ഗോളുകൾക്കാണ് പിഎസ്ജി റെയിംസിനെ തകർത്തു വിട്ടത്. ജയത്തോടെ ചാമ്പ്യൻസ് ലീഗ് യോഗ്യത പ്രതീക്ഷകൾ നിലനിർത്താൻ പിഎസ്ജിക്ക് സാധിച്ചു. എന്നാൽ ലീഗ് വൺ കിരീടം ഇത്തവണ നഷ്ടപ്പെടുന്ന മട്ടാണ്.ഒരു മത്സരം മാത്രം അവശേഷിക്കെ ഒന്നാം സ്ഥാനക്കാരായ ലില്ലിയുമായി ഒരു പോയിന്റിന്റെ വിത്യാസമാണ് പിഎസ്ജിക്കുള്ളത്. അവസാനമത്സരത്തിൽ പിഎസ്ജി വിജയിക്കുകയും ലില്ലി പരാജയപ്പെടുകയോ സമനില വഴങ്ങുകയോ ചെയ്താൽ മാത്രമേ പിഎസ്ജിക്ക് ഇനി ലീഗ് വൺ കിരീടം സ്വന്തമാക്കാൻ സാധിക്കുകയൊള്ളൂ.

മത്സരത്തിന്റെ 13-ആം മിനുട്ടിൽ പെനാൽറ്റിയിലൂടെയാണ് നെയ്മർ പിഎസ്ജിക്ക് ലീഡ് നേടികൊടുത്തത്.ബോക്സിൽ വെച്ച് ഹാൻഡ് ബോൾ വഴങ്ങിയ യുനിസ് ആണ് പെനാൽറ്റി വഴങ്ങിയത്. മാത്രമല്ല ഇക്കാരണത്താൽ 10-ആം മിനുട്ടിൽ തന്നെ ഇദ്ദേഹം റെഡ് കാർഡ് കണ്ട് പുറത്ത് പോവുകയായിരുന്നു.24-ആം മിനിറ്റിൽ ഡിഫൻസിന്റെ പിഴവ് മുതലെടുത്ത് എംബപ്പേ ഗോൾ നേടി.68-ആം മിനുട്ടിലാണ് മാർക്കിഞ്ഞോസിന്റെ ഗോൾ പിറക്കുന്നത്.നെയ്മറുടെ കോർണറിൽ നിന്ന് ഒരു ഹെഡറിലൂടെയാണ് മാർക്കിഞ്ഞോസ് ഗോൾ നേടിയത്.89-ആം മിനുട്ടിൽ പകരക്കാരനായി ഇറങ്ങിയ മോയ്സെ കീൻ കൂടി ഗോൾ നേടിയതോടെ പിഎസ്ജിയുടെ ഗോൾപട്ടിക പൂർത്തിയായി.