ക്ലബ്ബിൽ തുടരാനാഗ്രഹിക്കുന്ന PSG സൂപ്പർതാരത്തിന് വേണ്ടി ഓഫർ സമർപ്പിച്ച് ജർമ്മൻ ക്ലബ്!

കഴിഞ്ഞ സമ്മർ ട്രാൻസ്ഫർ ജാലകത്തിലായിരുന്നു യുവ സൂപ്പർതാരമായ ഹ്യൂഗോ എകിറ്റിക്കെ പിഎസ്ജിയിൽ എത്തിയിരുന്നത്. മറ്റൊരു ഫ്രഞ്ച് ക്ലബ്ബായ റെയിംസിൽ നിന്നായിരുന്നു താരത്തെ ലോൺ അടിസ്ഥാനത്തിൽ പിഎസ്ജി സ്വന്തമാക്കിയിരുന്നത്. ഈ സീസണിന് ശേഷം താരം പിഎസ്ജിയിൽ തന്നെ സ്ഥിരപ്പെടുന്നതാണ്.

എന്നാൽ ഈ 20കാരനായ താരത്തെ സ്വന്തമാക്കാൻ ജർമ്മൻ ക്ലബ്ബായ ഐന്ത്രാട്ട് ഫ്രാങ്ക്ഫർട്ടിന് താല്പര്യമുണ്ട്. ലോൺ അടിസ്ഥാനത്തിലാണ് ഈ സ്ട്രൈക്കറെ സ്വന്തമാക്കാൻ അവർ ആഗ്രഹിക്കുന്നത്. മാത്രമല്ല താരത്തിന് വേണ്ടി ഒരു ഓഫർ പിഎസ്ജിക്ക് ഇവർ നൽകുകയും ചെയ്തിട്ടുണ്ട്. പ്രമുഖ ഫ്രഞ്ച് മാധ്യമമായ ലെ എക്കുപ്പാണ് ഇക്കാര്യം റിപ്പോർട്ട് ചെയ്തിട്ടുള്ളത്.

പക്ഷേ താരത്തെ പിഎസ്ജി കൈവിടുമോ നിലനിർത്തുമോ എന്നുള്ള കാര്യത്തിൽ വ്യക്തതകൾ കൈവന്നിട്ടില്ല. അതായത് എക്കിറ്റിക്കെക്ക് പിഎസ്ജിയിൽ തന്നെ തുടരാനാണ് ആഗ്രഹം. പലപ്പോഴും പകരക്കാരന്റെ റോളിൽ മാത്രമാണ് അദ്ദേഹം കളിക്കാറുള്ളത്. സ്റ്റാർട്ടിങ് ഇലവനിൽ തന്റെ സ്ഥാനത്തിന് വേണ്ടി പിഎസ്ജിയിൽ പോരാടാനാണ് എക്കിറ്റിക്കെ ആഗ്രഹിക്കുന്നത്. അതുകൊണ്ടുതന്നെ ക്ലബ്ബ് എന്ത് തീരുമാനം എടുക്കും എന്നുള്ളത് കാത്തിരുന്ന് കാണേണ്ട കാര്യമാണ്.

സൂപ്പർതാരങ്ങളായ ലയണൽ മെസ്സി,കിലിയൻ എംബപ്പേ, നെയ്മർ ജൂനിയർ എന്നിവരോടായിരുന്നു സ്ഥാനത്തിനു വേണ്ടി എകിറ്റിക്കെക്ക് പോരാടേണ്ടി വന്നത്. ഫ്രഞ്ച് ലീഗിൽ മൂന്ന് ഗോളുകളും മൂന്ന് അസിസ്റ്റുകളും ആണ് താരം സ്വന്തമാക്കിയിട്ടുള്ളത്. ഈ സീസണിന് ശേഷം നെയ്മർ ജൂനിയറും ലയണൽ മെസ്സിയും ക്ലബ്ബ് വിടുകയാണെങ്കിൽ എകിറ്റിക്കെയെ പിഎസ്ജി കൈവിടാനുള്ള സാധ്യതകൾ കുറവാണ്.