ഒരുതവണ ഓക്കേ, ഇനി ആവർത്തിക്കരുത്: പിഎസ്ജി താരങ്ങൾക്ക് മുന്നറിയിപ്പുമായി പിഎസ്ജി ആരാധകർ!

ലീഗ് വണ്ണിൽ നാളെ നടക്കുന്ന മത്സരത്തിൽ പിഎസ്ജി കളത്തിലേക്ക് ഇറങ്ങുന്നുണ്ട്.പിഎസ്ജിയുടെ ചിരവൈരികളായ ഒളിമ്പിക് മാഴ്സെയാണ് എതിരാളികൾ. നാളെ രാത്രി ഇന്ത്യൻ സമയം 1:15ന് മാഴ്സെയുടെ മൈതാനത്ത് വെച്ചാണ് ഈയൊരു മത്സരം നടക്കുക.

ഈ മത്സരത്തിന് മുന്നോടിയായി ഇന്നലെ പാർക്ക് ഡെസ് പ്രിൻസസിൽ വെച്ച് പിഎസ്ജി താരങ്ങൾ പരിശീലനം നടത്തിയിരുന്നു. ഈ പരിശീലനം കാണാൻ എത്തിയ പിഎസ്ജിയുടെ ആരാധക കൂട്ടായ്മയായ അൾട്രാസ് ഒരു ബാനർ ഉയർത്തിയിരുന്നു. “ഒരുതവണ ഓക്കെ, രണ്ടാം തവണ സംഭവിക്കരുത്, അവരോട് ഒരു ദയയും കാണിക്കേണ്ട” എന്നായിരുന്നു ആ ബാനറിൽ കുറിച്ചിരുന്നത്.

എന്തെന്നാൽ ഫ്രഞ്ച് കപ്പിൽ നടന്ന കഴിഞ്ഞ മത്സരത്തിൽ മാഴ്സെയോട് പിഎസ്ജി പരാജയപ്പെട്ടിരുന്നു. ഒന്നിനെതിരെ രണ്ടു പിഎസ്ജി തോൽവി അറിഞ്ഞത്.മെസ്സിയും നെയ്മറുമൊക്കെ ഉണ്ടായിട്ടും പിഎസ്ജിക്ക് ഒന്നും ചെയ്യാൻ സാധിക്കാതെ പോവുകയായിരുന്നു.മാത്രമല്ല ഫ്രഞ്ച് കപ്പിൽ നിന്ന് അവർ പുറത്താവുകയും ചെയ്തു.

ഇതിനെതിരെയുള്ള ഒരു മുന്നറിയിപ്പാണ് ഇപ്പോൾ പിഎസ്ജി ആരാധകർ നൽകിയിട്ടുള്ളത്. അതായത് ഒരു തവണ മാഴ്സെയോട് പരാജയപ്പെട്ടത് ആരാധകർ ക്ഷമിച്ചിട്ടുണ്ട്, പക്ഷേ ഇനി പരാജയപ്പെടരുത് എന്നാണ് പിഎസ്ജി ആരാധകർ താരങ്ങളെ അറിയിച്ചിട്ടുള്ളത്.

ഏതായാലും കഴിഞ്ഞ മത്സരവും ഒളിമ്പിക് മാഴ്സെയുടെ സ്റ്റേഡിയത്തിലാണ് നടന്നത്. പലപ്പോഴും പ്രശ്നങ്ങൾ ഉണ്ടാവുന്നതിനാൽ പിഎസ്ജി ആരാധകർക്ക് അവിടെ വിലക്ക് ഏർപ്പെടുത്തിയിരുന്നു.ഇത്തവണയും സമാനമായ സാഹചര്യം തന്നെയാണുള്ളത്.പിഎസ്ജി അൾട്രാസിന് അവിടേക്ക് പ്രവേശനം ഉണ്ടാവില്ല. ഏതായാലും ഈ മത്സരത്തിൽ നെയ്മറുടെ അഭാവത്തിലാണ് പിഎസ്ജി കളത്തിലേക്ക് ഇറങ്ങുക.