ലോകത്തെ ഏറ്റവും മികച്ച അക്കാദമി റയൽ മാഡ്രിഡിന്റേതാണ്: റൗൾ

റയൽ മാഡ്രിഡിന്റെ എക്കാലത്തെയും മികച്ച ഇതിഹാസങ്ങളിൽ ഒരാളാണ് റൗൾ ഗോൺസാലസ്. റയൽ മാഡ്രിഡിന്റെ അക്കാദമിയായ ലാ ഫാബ്രിക്കയിലൂടെ വളർന്നുവന്ന താരമാണ് റൗൾ.ക്ലബ്ബിന് വേണ്ടി 741 മത്സരങ്ങൾ കളിച്ച താരം 323 ഗോളുകൾ നേടിയിട്ടുണ്ട്. റയൽ മാഡ്രിഡിന് വേണ്ടി ഏറ്റവും കൂടുതൽ മത്സരങ്ങൾ കളിച്ച താരവും ഏറ്റവും കൂടുതൽ ഗോളുകൾ നേടിയ മൂന്നാമത്തെ താരവും റൗൾ തന്നെയാണ്.

നിലവിൽ റയലിന്റെ അക്കാദമി ടീമായ കാസ്റ്റില്ലയെയാണ് അദ്ദേഹം പരിശീലിപ്പിച്ചു കൊണ്ടിരിക്കുന്നത്.ഇതുമായി ബന്ധപ്പെട്ട ഒരു അഭിപ്രായപ്രകടനം അദ്ദേഹം നടത്തിയിട്ടുണ്ട്.ലോകത്തെ ഏറ്റവും മികച്ച അക്കാദമി റയൽ മാഡ്രിഡിന്റേതാണ് എന്നാണ് റൗൾ പറഞ്ഞിട്ടുള്ളത്.അദ്ദേഹം വിശദീകരിക്കുകയും ചെയ്തിട്ടുണ്ട്.പരിശീലകന്റെ വാക്കുകൾ ഇങ്ങനെയാണ്.

” മാഡ്രിഡിന്റെ യൂത്ത് അക്കാദമി തയ്യാറായിക്കഴിഞ്ഞു. തീർച്ചയായും പ്രത്യേക സാഹചര്യങ്ങളിൽ അവസരം അവസരം അർഹിക്കുന്നുണ്ട്.മറ്റു പല ക്ലബ്ബുകളിലും ഇത് നമ്മൾ കണ്ടിട്ടുണ്ട്.ലോകത്തെ ഏറ്റവും മികച്ച അക്കാദമി റയൽ മാഡ്രിഡിന്റേതാണ് എന്നാണ് ഞാൻ വിശ്വസിക്കുന്നത്. അവർക്ക് ഫസ്റ്റ് ടീമിനോടൊപ്പം അവരുടെ സ്വപ്നങ്ങൾ പൂർത്തിയാക്കാൻ കഴിഞ്ഞിട്ടില്ലെങ്കിൽ,ലോകത്തിന്റെ പല ഭാഗങ്ങളിലുമായി പല ടീമുകൾക്ക് വേണ്ടിയും അവർ അത് നേടിയെടുക്കുക തന്നെ ചെയ്യും ” ഇതാണ് റൗൾ പറഞ്ഞിട്ടുള്ളത്.

മുൻപ് ഒരുപാട് ഇതിഹാസങ്ങൾ റയൽ മാഡ്രിഡ് അക്കാദമിയിലൂടെ വളർന്നു വന്നിട്ടുണ്ട്.എന്നാൽ സമീപകാലത്ത് അക്കാദമി താരങ്ങൾക്ക് റയൽ മാഡ്രിഡ് അത്ര പ്രാധാന്യം നൽകാറില്ല. അതുകൊണ്ടുതന്നെ ക്ലബ്ബിന് വിമർശനങ്ങളും ലഭിക്കേണ്ടി വരുന്നുണ്ട്.ഈയിടെ സെന്റർ ബാക്ക് താരമായ അസെൻസിയോയെ അവർ ഉപയോഗപ്പെടുത്തിയിരുന്നു. മികച്ച പ്രകടനം നടത്തി അദ്ദേഹം ആരാധകരുടെ കയ്യടി നേടുകയും ചെയ്തിരുന്നു.