റയലിന് ചാമ്പ്യൻസ് ലീഗ് കിരീടം നേടാൻ കഴിയും : റോഡ്രിഗോ!

ഈ ചാമ്പ്യൻസ് ലീഗ് കിരീടം നേടാൻ കഴിവുള്ള ടീമാണ് റയൽ മാഡ്രിഡ്‌ എന്നറിയിച്ച് യുവതാരം റോഡ്രിഗോ. കഴിഞ്ഞ ദിവസം ഫിഫക്ക് നൽകിയ അഭിമുഖത്തിലാണ് റോഡ്രിഗോ ചാമ്പ്യൻസ് ലീഗിനെ കുറിച്ച് മനസ്സ് തുറന്നത്.തങ്ങൾ അവസാനം വരെ പോരാടുമെന്നും ഒരുപാട് ക്വാളിറ്റിയുള്ള ടീമാണ് തങ്ങളെന്നും റോഡ്രിഗോ അറിയിച്ചു.അതേസമയം ലിവർപൂളും റയൽ മാഡ്രിഡും തമ്മിലുള്ള മത്സരത്തെ കുറിച്ചും റോഡ്രിഗോ മനസ്സ് തുറന്നു.ലോകഫുട്ബോൾ ചരിത്രത്തിലെ വമ്പൻമാരാണ് ഈ ഇരുക്ലബുകളെന്നും ഒരു മികച്ച മത്സരമായിരിക്കും വരാൻ പോകുന്നതെന്നും ഇദ്ദേഹം കൂട്ടിച്ചേർത്തു.

” ചാമ്പ്യൻസ് ലീഗിൽ ഇനിയുള്ളത് ബുദ്ധിമുട്ടേറിയ മത്സരങ്ങളാണ്.എല്ലാ ടീമുകളും കരുത്തരാണ്.അതിലൊന്നാണ് ലിവർപൂൾ.ഫുട്ബോൾ ചരിത്രത്തിലെ രണ്ട് വമ്പൻമാരാണ് ഇരു ക്ലബുകളും. അത്കൊണ്ട് തന്നെ ഒരു മികച്ച മത്സരമായിരിക്കും.2018-ലെ ചാമ്പ്യൻസ് ലീഗ് ഫൈനൽ എനിക്കോർമ്മയുണ്ട്.ഞാൻ റയലിന്റെ ആരാധകനായിരുന്നു.അതൊരു പ്രത്യേകത നിറഞ്ഞ മത്സരമായിരുന്നു.കിരീടം നേടാൻ കഴിവുള്ള ടീമാണ് റയൽ.ഞങ്ങൾ നന്നായി കഠിനാധ്വാനം ചെയ്യുന്നുണ്ട്.ലാലിഗയിലും ഞങ്ങൾക്ക് സാധ്യതയുണ്ട്.കഴിഞ്ഞ വർഷം ഞങ്ങൾ ബാഴ്‌സക്ക് പിറകിലായിരുന്നു. പിന്നീട് ഞങ്ങൾ കിരീടം നേടി. ഇത്തവണയും ഞങ്ങൾ അത്പോലെയൊന്നിന് ശ്രമിക്കും.ചാമ്പ്യൻസ് ലീഗിലും ഇതുപോലെ തന്നെയാണ്.അവസാനം വരെ ഞങ്ങൾ പോരാട്ടം തുടരും.ഒരുപാട് ക്വാളിറ്റിയുള്ള ടീമാണ് ഞങ്ങളുടെത്.നല്ല രീതിയിലാണ് ഞങ്ങൾ പോവുന്നത്.കിരീടം നേടാനുള്ള അവസരം ഞങ്ങൾക്കുണ്ട് ” റോഡ്രിഗോ പറഞ്ഞു.